Biographies: Shohda-e-Shumal

Book Title: Shohda-e-Shumal

Written By: Abdul Salam Naz

Nature: Biographies

Publisher: The North Publications,Gilgit

Novel Part-1

Muskurahatain Aur Aansu (Smiles & Tears)

Title: Muskurahatain Aur Aansu
Nature: Novel
Written By: Abdul Salam Naz

Cholistan kay sahra may poran mashi ka sama tha.Chand kayee raqbah par moheet laqq-o-daqq sahra ka paat euboor kar kay ab duccan ki janib jhukna shoru hua tha… raat ka aakihari phair beath raha tha. Sahra nasheen poorub ki seemth “karwand” ki basti may apni apni jhonpareion kay bahir gahri nind ki aagosh may aalam-o- musahib say bay kihabar so rahai thai. Faza par gahra sukuth musallat tha.Lakin ........Is sukuth may wahshat nahi taham sukoon aur mutahammil mezaji ki kayfiat rachi baasi thien. Sahrai hashraat say is sukuth may muktaleaf qesam ki un shanasee aawazoon say ektalal tha. Taham Yih taassur sahrai sukuth may “kamuud” say kam na tha.Lakin.......Kabhi kabhi karwand basti kay andar aur bahir jhonpareion may sone waloon kay darmeaan say waqfay waqfay kiharatoo ki awaz baland ho jati tu kamuud ka taassur sahrai sukuth may baroud ki bochar say kam takleaf day sabith nahi hota tha.Chand dheray dheray bay kihabar soay huay loogoon kay saroon say hota hua tareek shab may apna safer tay kar raha tha. Loog aadhi nind ki miqdaar bhi ubur kar chukay thai.Aur......Karwand basti say chand farlong kay faslay par maujud “Alsiraj post” ki keesi mundal may captain Rehman abhi keesi kushi say sarshar nind ki latafatoon aur raat ki hasher samanion say bay niaz tha…… is ne chand bar kihud ko bistar par dal kar bhi dekiha tha. Phir bhi nind ki devi ne usay nahi uchak lea tha. Tub is ne karwatoon ki takleaf sayna gawara na kya aur uth kar post ki ek mahfooz ar may aaya jahan say wo chand ki ab-o-taab aur hushmat ka bakihubi nazara kar sakta tha.Duty par char hatay katay naujawan mustaidd kharay thai…. Charoon sepahi tahaltay tahaltay captain Rehman kay qarib say ho kar guzar gaay thai….. aur sab ne hi infaradi taur par captain Rehman say ek sawal kya tha!!! “Sir aap abhi tak soay kyun nahi.”Captain Rehman kay pass is sawal ka jawab maujud tha aur muh kiholtay kiholtay chup sadh lay kar pir hotoon par ek tabasum raqm kya tha……LakinIs kay ma tayhat is kay hotoon par ubharne wali muskurahat aur aankihon ki kushi may sir basta israr ka idrak nahi kar sakay thai. Halakah in ka sawal ka jawab inhi do chizoon may poshida tha….. Captain Rehman ko ek taraf bay panah kushi thi dosari taraf har lamhah nind say kosoon dur tha har nae lahza bad is kay dil may ek nea jazba ud kar aata tha. Aur Yihi jazba is kay dil may ek nea karb raushanas kar raha tha.Kushi ka karbIztirab ka karbTanhai ka karbuktahat ka karbaur sab say aakir may ek naee subh ki aamad aur wapsi ka karb is ki rooh ki athah gharaion tak sarayat kar gaya tha…. In juda juda jazbath kay dosh par safer kartay kartay kesi badaltay huay lamhai may wo socha karta tha kih kash is kih pass badalne ki qudrat hoti.Lakin........Aysa sochane kay aglay lamhai bad hi wo khudaiat ki aas ka ek mamuli taassur apne dil may mahsoos kar kay dar aur kauf ki jhurjhuri layta tha aur Yih samajne lagta tha kih karb iztarab kushi aur jazbat kuda ki taraf say insaan par wadyiht keay gaay hain aur insaan kabhi kuda nahi ban sakta na bane ga balkay wo kuda kay israr ka israr hai.Kabhi kabhi Captain Rehman apne kamray may uktahat mahsoos karta tu duty par mustayed kharay jawano kay pass ja kar un say idar udar ki guftugu kar kay chala jata. Sepahi shuja bhi aaj apne chahitay officer kay israr ko nahi samaj pa raha tha. Halankih duno kay darmiyan ek wasi kihla hone kay bawojud bhi duno ek dusaray kay bahut qareeb thay……Na nagah pir….Run kaach….Champb churiyaan….Khamp karan……Aur chagi kay borderoon may Shuja Captain Rehman ki unit may raha tha. Duno kay darmiyan ek ikhtilat ka jazba ustuwar ho chuka tha….. baz dafa wo Captain Rehman ka chehra parh kay hi samaj layta tha kih maamlah kya hai……. Aaj bhi wo is makmasay ka shikar tha kih Captain Rehman kyun sone ka nam nahi lay rahay…..? wo dubarah tahailtay huay Captain Rehman kay qareeb say ho kar guzra tha….aur Captain Rehman bhi ek do bar kud tahailtay huay Sepahi shuja kay qareeb aa kar do char batain kar chukka tha.Lakin…..Is kay bawojud is ne apne jazbay ko aashkaar nahi kya tha. Aur Sepahi Shuja bhi is makmasay ko hal nahi kar saka tha.Jis waqt chaand badal kay ek bare tukray ki zad may aaya…. Kurrah-e-arz kay har is hissay may tareki ki ek dabeer chadar phal gai jahan tak basirat aur basarat ki dastarasMumkin thi.Chamaktay damaktay aasman par tareeqi ki Yih hatdarmi usay uktahat dane kay liye kafi tha….tab is ne is bahane say socha bhi kih aaya wo bistar par laytay to nind aa sakti hai ya nahi ? is ne bistar par laytane ki zahmat bhi gawara nahi ki thi kih is mukam par kharay kharay is kay dil-o-damag kay kesi nihan kane say bari dhitai say Yih dhamki mosul hui kih badan ka koi bhi hissa khumar aalud nahi hai…..layhaza Yih bat mohar tasdeaq sabth ho chuki thi kih aaj ka Yih aakiheri phar bhi aankhon hi aankhon may kaatna yaqini amar hai.Wo andhray may hi deehray deehray qadam uthatay huay Sipahi Shuja pass aaya.Nind ko aankhon may panapne na dene kay liye chaay ban chuki thi….Sipahi Shuja ne chaay ki ek peeyali Captain Rehman ko thama de aur is kay pahlu may aa kahra ho gaya….is ne mahsoos kya Captain Rehman pachchhamp ki janib ek Hindustani post “achandari” ki janib dekh raha tha. Ek haftay qabal Alsiraj aur is kay mabain ek khatarnak jharap hue thi..Lakin……..Koi jani nuqsan nahi hua tha taham kuchh mali fraq duno post kay makinoon ko zaroor bughatna para tha…. Captain Rehman achandari post ki janib zaroor dekh raha tha jo chand furlong kay faslay par thori si koshish karne say nazar aata tha. Par wo ab apne zahain may say nae operation kay hikmat-e-amli waza nahi kar raha tha….. is ne abhi tak chaay ka ek ghunt bhi nahi lea tha jabkih chaay say chand maslayhatoon kay bawojud ek maheen si kihushbo us kay mahsoos kay aagan may der aaye thi.Jab ek bar phir chudahween ka chand badaloon kay aot say nikla tu Captain Rehman ko mahsoos hua kih is kay hath may chaay ki peeyali hai aur is par is ki girifth mazbooth nahi hai. Tab is ne peeyali par ungalioon ki girifth mazbooth ki aur jab phala ghunt liye tu usay ahsas hua kay is kay pahlu may Sipahi Shuja kihara hai…..jis kesi ne ahsas , kesi ne wajdan aur kesi ne kihaial say usay secondon kay hazarwain hisson may yeksir faramoch kar chukka tha.“may app kay jazbath ko samaj sakta hoon sir”Is say phalay Captain Rehman kuchh kahta Sipahi Shuja phalay hi unhain kesi makmasay may griftar kar chukka tha….is ki bath sun kar Captain Rehman faqat muskara kar rah gaya tha….ab chand nikal aaya tha. Is liye wo soch raha tha tanhai kay kesi goshai may chala jaay…. Phalay Kushi ka karb iztirab karb tanhai ka karb usay sone nahi de raha tha ab chaay ki is peeyali par bhi usay umeed na thi kih wo usay sulane may madad gar sabith ho gi.Bas is ne tanhai kay kesi goshai may jane kay liye qadam uthaay thai kih Sipahi Shuja ne peeshai say alfaz ka aysa war kya kih Captain Rehman inhi qadmoon par hi ruk gaya.“ may samaj sakta hoon sir, aaj aap ko nind kyun nahi aa rahi”Sepahi Shuja ne is say aagay kuchh nahi kaha. Captain Rehman deehray say chal kar us kay bilkul qareeb aaya. Us ne kesi dostana andaz may apna hath Sipahi Shuja kay kandhai par rakkiha aur nihaiat aahistagi say thapthapaya.“is post par aaj aap ki aakari raat hai aur Yih raat aap kesi kushi aur jazbay kay that aankihon may kaatna chahatay hain ya kaat rahai hain. Fajir kay waqt aap yahan say chalay jaian gay na sir?” is ne akihari jumla kesi qadaray naheaf awaz may ada keya tha. Jis par captain Rehman mutabasum hua aur faqat asbath may sir hila deya. Tab Sipahi Shuja mazeed goya hua . “mujhaay aap kay jane ki kihushi bhi hai aur dukih bhi….” “ may tumharay dil may maujud duno jazboon ki ahmeyat aur hiddat ko mahsoos karta hoon….is liye kih may bhi tumhari tarah ka insaan hoon. Lakin may chahane kay bawojud bhi duno jazboon par bahass nahi kar sakta…. Is liye kih sab kuchh samajne aur mahsoos karne kay bawojud muj may kuchh kahne ki qudrat nahi hai.” Captain Rehman Yih kahtay huay bahut mafauq-ul-fitrat sa lagta tha. Is ne chand saat khalaoon may nazrain dauraeen phir ek ne ahsas kay sath dubara goya hua. ”insaan bohut mamuli shay hai. Is tarah is ka dil aur jazbay bhi . kabhi kabhi ruh bhi is kay sath baywafai kar jati hai. Insaane wo nahi hai jo wo ek saat phalay hota hai….wo lamhoon ki raftaar kay dosh par safer karta hai…..is tarah is kay jazbay bhi qadam qadam par ne ahsasaat aur muharakat say ruhshanas hotay hain….. is waqt ek officer ki hasiyat say nahi balkay ek insaan ki hasiyat say tumharay saamne ek nai baat ki bunyad rakhna chahata hoon…may ek hi insaan hoon lakin apne jazbaat ki wajha say kai insaanoon ka majmueh hoon….aur bayek waqt kai zindagayaan guzaar raha hoon…. Muhaz kay dauraan ek nai zindagi pash-e-nazar hoti hai aur ghar kay andar zindagi ek nae dagar par chal rahi hoti hai…jab may muhaz say ghar jane lagta hoon ya jane ki sochta hoon tu ek alag jazba dil may karfarma hota hai aur jab ghar say wapas muhaz ki taraf lautta hoon tu may ek ne insaan ka roop dhar chuka hota hoon….ham in bathoon ko samajtay hain lakin phir bhi ahsas hota hai kih kuchh nahi samajtay …. May soch raha hoon kai muddat kay bad ghar jar raha hoon tu nind kyun nahi aa rahi? May sona chahata hoon lakin aankhain bund nahi hoteen…… aur ab jaga hua hoon tu mujhay ajib tarah ki baychayni ho rahi hai.”“may bazahir ek sipahi hoon sir…… mayra baatan ek afsana nigar hai. Bahtar taur par samajta hoon kih aap kay dil may Yih mawara jazba kya haiyat aur ahmeiat rakhta hai…. Lakin is sab kay bawojud sirf ittna kahna chahata hoon kih ye mawara jazba qudrat ka koi israr hai…. Ham is ki jankari kay liay jitni gharai may jana chahain nahi ja saktay…. Ab tu may sirf ittna samajta hoon kih enqareeb ek nai subh tulue ho gi aur aap kesi aur officer ko charge de kar ham say rukhsat hoon gay….. mujhe aap kay jane ka dukh rahai ga sir.”Sipahi Shuja ne kaha. Aur Captain Rehman ki gahri aur seeha aankhon may jhank kar apne sawal ka jawab talash kar raha tha……. Ek lambi guftugu jharne ki waja say Captain Rehman ko chaay ka ghunt layne ka moqa nahi mila tha. is ne jab chaay ka ghunt lia tu thandi ho chuki thi aur nasha bhi uthar chuka tha bawojud is kay is ne ek aur ghunt lia aur kuchh soch kar Sipahi Shuja say mukhatib hua.“Yih hamara profession hai..... zimmadarian badalti rahti hain phir is kay sath sath mukaam bhi badaltay rahtay hain...... kabhi muhaz pa aur kabhi ghar may tumhain maray jane par dukh mahsoos nahi karna chaeay. kyunkih tumara profession is bath ki ajazat nahi deyta......dukh sukh insaan ka gharayloo masla hai.... profession kay sath is ka barayrast taluq nahi hona chaeay. aur aghar ho tab bhi is may keesi barri maslayhat ka amal dakhal nihayat zaroori hai....” Captain Rehman ne achanak mozue badla aur Sipahi Shuja kay chehray kay taassuraat parh kar bola “ yaqeenan tum meri batoon say bore ho chukay ho?”“nahi sir may bahut enjoy kar raha hoon.”Sipahi Shuja ne hamaysha ki tarah sapat andaz may kaha.“ kabhi kabhi mujhai ahsas hota hai kih kuchh nahi bol sakta hoon tu bay aktear bahut kuchh bol deyta hoon.”Captain Rehman ne chaay ka aakhari ghunt bhi lay kar khali cup Sipahi Shuja ko thammatay huay kaha.... phir wo duno hath post ki dewar say laga kar purub ki janib dekhane laga.Ahsas ka ek nea karb is ki rooh tak sirayet kar gaya tha. phir is ne kaha.“na jane aaj subh kyun nahi hoti?”is ki bat sun kar Sipahi Shuja kay hontoon par ek kafeef si muskurahat der ayee aur is kay phalu may aa kar yarana andaaz may goya hua.“ shaiad is liye sir kih app ja rahai hain.”Sipahi Shuja ki awaz may ek lateef jazba karfarma tha. jis par Captain Rehman baqaayda muskara deya aur Sepahi Shuja ki taraf dekh kar bola.“ tum khamoshi say ashai war kartay ho....” phir kuchh towaqquf kay bad dubara bola. “mujhai pata chala hai kih nind kyun nahi aa rahi aur subah ka intizar mujhai ittni shiddat say kyun hai?”Sipahi Shuja ne istifhamiyyah nazroon say is ki janib dekha. ain inhi lamhaat may chand luqq-o-daqq sahra kay ek teelay kay aqab may jhukna shuru hua tha. Captain Rehman ne jab apni batoon may kuchh tafaqquf paida kya tu Sipahi Shuja ne usay mukhatib kya.“App bayshak chhutti par chalay jahain sir, lakin !! na jahain tu kya farq parta hai?Sipahi Shuja kay saray jumlay may koi israr posheda tha.... yun tu Captain Rehman ki tawajjo Sipahi Shuja ki batoon par thi. taham is ki nigahain chand ki deehmi deehmi raftar par markooz thian.....“farq parta hai. mera jana bahut zaroori hai aur may har hal may jana chahata hoon.”Captain Rehman ne jab apni guftugu samati tu ain inhi lamhaat may chand pachchham kay sahrai teeloon ki ar may chuap chuka tha. aur jab Captain Rehman dubara chal kar apni aramgha may aaya tu Subaydar Rahat Khan fajir ki azan dey raha tha. is kay sath hi Captain Rehman mahsoos kar raha tha kih is ki aankhon may nind ka khumar tari ho chuka hai. phir bhi is ne uth kar wazo kya aur fajir ki bajamaat namaz may shareek hua..... namaz kay bad dars hua. aur dua kay bad Yih mamul ki karawai may musroof thai kih head quater say Captain Israr Rasool fauji jeep kay sath Alsiraj post par warid hua. Captain Rehman aur is kay amlah ne Captain Israr Rasool ka khair maqdam kya.Jis waqt poorub ki semth say ek nae subh ka aftab apni tamam ter hashmat aur tabanion kay sath duoor ufaq say ubhr raha tha ain inhi lamhaat may Captain Rehman apne amlay say alwida ho raha tha aur kuchh dair bad is ki jeep sahrai musafatoon ko paat rahi thi.Aur........Alsiraj post par ab Captain Israr Rasool apna charge sambhal chuka tha... jabkay is ki shabahat aur wajahat say hi Sipahi Shuja mahsoos kar raha tha kih ek maseha kay jane kay bad dusara maseha aa gaya hai.******************na jane kyun is ki ammi ko sab may wo hi zada aziz aur dulara tha. is kay bare baytay Muzaffer aur adeel kabhi kabhi shahr say bahir chalay jatay tu in kay mutaliq itni fikarmand nahi hoteen thian. jabkih Captain Rehman ko ek pal aankhon say duoor rakna usay qadray mushkil ho jata tha.....Captain Rehman ne jab say unhain apni aamad ki khbar de thi tab say wo bari shiddat say is kay aane ka intizar kar rahi thi har pal iztirab may guzarta tha aur har aahat mahsoos kay aagan may ek nae jazbay aur ek nai umeed ka hosla afza payaam lati thi.taqriban ghar kay sabhi afraad ek shireen ahsas kay dosh par lamhoon ka iztirab sah rahai thai kih gurobay aftab say zara phalay Captain Rehman ghar may warid huay.... tab lamhoon ka iztirab yaklakht dil-o-demag may keesi kimiyahi mahlul ki manind tahlil ho gaya tha.....sab ne bikhray jazbat kay sath is ka istakbal kya.yun lamhai beettay rahai.... aur waqt parwan charhta gaya.nai subhain wajud may aaian......purronak din namudar huay......din guzartay gaay aur shamay ratoon kay lebas may dahlti rahain.aur ...... ab Captain Rehman ko ghar aay huay kai roz beet gaay thay...... Yih din chutkiyoon ki tarah dostoon aur rishtadaroon kay dermiaan guzar gaay.... aur jab wo in mashagal say yaksir farig hua tu din guzarna mushkil ho gaya tha.tab aasharhh ki ek subh, ek nae jazbay, ek nae ahsas, ek nai umeed aur ek nae payaam kay sath alam-e-nasoot may takleeq ho chuki thi.Captain Rehman jab naha duh kar nashtah ki table pa aaya tu mard hazraat apne apne roz marrah kamoon ki anjam dehi kay liye ja chukay thai aur sirf khawateen gharaylu kamoon may masroof dehkhai dey rahi thian. durane nashtah nanni samrah ( Captain Rehman ki bahtiji) kay zareay hi Yih khabar Captain Rehman ki samatoon may ja gusi kih is ki mangni kar de gai hai. jabkih wo is bare haqiqat say sarih baykhabar tha.... goya is inkayshaf ne ek lamhai kay liye Captain Rehman ko bokhala kar rakh deya tha. jis ki waja say wo apna nashtah bhi mukammal na kar saka aur ammi ko dhundtay huay bahir lawn may aaya jahan wo khud hi paudaoon ki abyari kar rahi thian.kuchh kahai bagair ammi ko la kar ek kursi may baitha deya aur khud bhi in kay samne baith gaya. ammi ne istifhamiyyah nazroon say is ki janib dehkha tu Captain Rehman ki dharkane bahut tez ho gaian thian... wo in ko qabu nahi kar saka tha.... taham zabt kay bad sawal daga.“ammi kya Yih sach hai kih aap ne meri mangni kar de hai.”is ki bat sun kar ammi kay hontoon par muskurahat dr aai aur zaban say kuchh kahne ki bajaay faqt asbat may sir hila deya..... tab Captain Rehman kay dil ki dharkan phalay ki nisbat zada tez ho gai thi. wo apne bikhray hosloon ko mujtama kar kay bola.“lakin ammi mujhai baykhabar rakhne ki zaroorat kya thi?”“ mujhai tum par aur tumharah muj par etimad na hota tu itna bara qadam may tumhain baykhabar rakh kar kasay utha sakti thi...... ab bhi ham ne tumhain is mamlay may bay khabar rakhne ki zarorat mahsoos nahi ki hai. may tumhain surprize deyna chahati thi.”Ammi ne is ki tashafi karane kay liye kaha.....Captain Rehman ne dharkhtay dil kay sath kaha.“pata nahi larki kaysi ho gi?”“ Bahut achchhi hai..... may ne khud usay sirf ek hi bar dehka hai wo bhi aaj say teen sal phalay batul (Captain Rehman ki choti bhawaj) ki shadi par.”Ammi ne kaha tu Captain Rehman ko Yih sab kuchh ek mazaak lagne laga tha. wo bola.“goya is umer may bhi aap loog muj say mazaak kar rahai hain. ab is tarah kay mazaak karne aur sahne ka time nahi hai.”Ammi ne Captain Rehman ka chaihra parr kar mahsoos kar liye tha kih wo ab baqadeh sanjedah hone laga hai tu unhone kaha.“May bilkul mazaak nahi kar rahi tum say tumhari mangaytar ka naam fakhirah hai aur wo batul ki choti bahan hai. halhi may BBA kar chuki hai. batul ko samne rakh kar Yih andaza laga saktay ho kih fakhirah kin khubiyoon ki malik ho sakti hai?”“Achchha tu bhabi ki bahan hai ..... lakin ammi jan sirf andaza lagane say kya hota hai..... zaroori nahi hai insaanoon ki fitrat may yaksaniat pai jati ho.... hamari bhabi shuru say pakistan may rahi hain aur bahut hi kam London jati hain jabkih fakhirah shuru say London may rah rahi hai.... usay hamari rawayaat ko samajna aur un par amal karna mushkil hi nahi namumkin ho ga.”Captain Rehman ne keesi khadshay ki bina par kaha. Us ki bat sun kar un ki ammi boleen.“batul khaiti hai fakhirah bakardar, salika mund, aur wafa shuyar larki hai aur har tarah tum par suit karti hai.“ lakin ammi may soch raha hoon jis society kay andar may ne aankh kholi hai aaya fakhirah is society ko dil-o-jan say qubul karay gi ya mujhai apne samaaj say bagawat par aamada karay gi..kuchh bhi mumkin hai.....” phir kuchh tuwaquf kay bad dubara bola. “bahr hal aap ne jis itimad kay sath Yih rishta kya hai mujhai is say akhtalaf nahi hai aur na ho sakta hai.....agar aap ki ijazat ho tu may bhabi say is mozu par kuchh zaroori batain karna chahata hoon.”“ zaroor kar lo..... balkay tum is say pasand aur napasand ka zikar bhi kar saktay ho. kyunkih is rishtay kay liye sab say zada zor batul ne hi deya tha.... warna may ne khud bhi ek larki dehki hui hai.”ammi ne kaha aur captain Rehman kuchh dair in kay pass rah kar apne kamray may aaya aur apni bhatiji kay zariyaay batul ko apne kamray may bulwaya . jis waqt batul is kay kamray may dakhil hui us waqt Captain Rehman khirki kay samne khara bahir dehktay huay keesi soch may mustaghraq tha .Batul ne qareeb aa kar gala khankhartay huay usay apni taraf mutawajo kya..... Captain Rehman ne mur kar batul kay mutabasum aur pur ronak chehray ki janib dehkha tu usay fakhirah ki taraf say itminan sa mahsoos hua. lakin phir bhi iztirab aur unginat jazbat kay karb is ki rooh tak sarayat kar gaay thay. wo inhi ahsasaat kay sath chal kar ek kursi par baitha .“ khariyat tu hai. kasay yaad kya?”Batul is kay samne ek kursi par aa kar baithtay huay boli.“Bhabi app ne kya soch kar apni bahan say meri mangni karwa de hai.”Captain Rehman ne na chahatay huay bhi pusha. jabkh batul is ki bat sun kar baqaadamuskuradi aur kaha.“ Agar Yihi bat hai tu meray samne is ki kai wojuhaat thian. sab say phali bat tu Yih kih meray aur salma (Captain Rehman ki bare bhawaj) kay dermian bahut bare muqabala tha. wo chahati thi kih apni bahan ki shadi tum say karwa dey may bhi kuchh aysa hi chahati thi aur phir is koshish may, may kamiyab ho gai. dusari aham waja Yih hai kih tum mujhai ashay lagtay ho, hamaray dermian tumhari bahut ahmiat hai is liye may ne infaradi khoish ki bina par fakhirah say bat ki kih may tumharay liye Rehman ko pasand kar chuki hoon tu is ne khushi ka azhar kya...... may janti thi tumhari khushi ammi ki khushi par mabni hai tu may ne ammi jan ko bhi bahut jald razi kar liye... fakhirah bahut kihush qismat hai jo usay tum jaysa sweet aur cute Captain mil gaya. milne ko tu aur bhi bahut mil jatay lakin fakhirah ko tum jaysa tumaray elawah na milta... kabhi khabar jab wo phone par tumharay mutaliq ek du batain karti hai tu may mahsoos karti hoon kih tumhain dehkne, parakhne aur bagair koi understanding paida keay wo is rishtay say kitni pur umeed aur khush hai.”“ may , khud par hone walay is bare zulm ka azhar hi karne kay liye tu aap kay pass aaya hoon..... meri samaj may nahi aati, aap ne apni khushi, apni bahan ki khushi ko tu pashay nazar rakkha lakin kash Yih samaj liye hota meray dil may bhi koe jazba ho sakta hai..... koe khoab , koe khoish wagara wagara .”Captain Rehman ne ye alfaaz kis qader matanat say ada keay thay. batul jo nafsiyaat par ghara mutalah rakhti thi Captain Rehman kay muhraykat aur chehray kay taassuraat say bhaitar taur par Yih akaz kar chuki thi kih is ne Captain Rehman ko itimad may na lay kar darhaqiqat ek bahut bare galti ka artikab kya tha.. jab wo dubara Captain Rehman say mukhatib hui tu is kay lab-o-lahjay may tasuf aur bim-o-raja ki kayfiyat rachi basi thian.“ mujhai ahsas nahi tha tumhari marzi kay kelaf koe qadam uthaoon gi....... goya tumhain Yih rishta siray say pasand nahi hai?”batul ne phir keesi ahsas kay sath akhari jumlay ka azafa kya.“ Aap mujhai ammi jan say kam thori ho sakti hain? phir Yih kaysay mumkin hai may aap ka dil dukhaoon lakin mujhai ek bat par bahut dar lagta hai”“ kis bat par tumhai dar lagta hai?”batul ne puchh dala. Tab Captain Rehman soch raha tha kis hoslay aur jurrat kay sath unhain apni fikar say aagah karay.... jab wo Yih bat kahne ki koshish kar raha tha tu is kay qadam baqayda taur par dagmaga rahai thay aur dil ki darkan bhi keesi ahsas ki shiddat say tez ho gai thi.“may mudrikiyat ko paish-e-nazar rakh kar kahoon tu meri fiker, meri soch aur mera wajdaan Yih kahne may haq bajanib hain kih magrabi samaaj may palibari larki mashriqi mard kay taquddus ko nahi samajti. usay mashriqi mahol nahi jachta hai aur aap samaj sakti hain jo meri na sahi apni liberalism kay taht jo larki mashriqi maaoon kay taquddus aur ahkaam ko pasay push dalay tu kon mard is bat ko bardash kar sakta hai?” phir chand second tak khamosh rah kar batul kay chehray ka nasheb-o-faraz dekha. jo waqai keesi jazbay kay taht pach-o-taab kha raha tha lakin is sab kay bawojud is ne apni bat jari rakhi. “ kya Yih zaroori nahi bhabi ? kya Yih mumkin ho sakta hai?”Captain Rehman ne akhari jumlay kis karb may mubtala ho kar ada keay thay. batul ne basirat aur basarat ka muzahira kar kay is ka karb mahsoos kar lea tha is liye bare muthamil mezaji aur hoslay kay sath kaha.“tum ne theak socha hai Rehman” may tum par apni khoaish musalat karne ka jazba qatai taur par nahi rakhti. agar tum waqai chatay ho tu may is rishtay ko abhi abhi khatam kar sakti hoon.... lakin .....? meri ek bat ghaur say suno! fakhirah meri bahan hai. tum ne is kay mutaliq jo andaza lagaya hai wo is par pura nahi utarti. jis tarh tum ne mujhai paya hai tum is ko bhi aysa hi paoo gay. balkay may yahan tak kahne kay liye tayyar hoon kih wo har bat may muj say aagay nikli hui hai..... tum chaho tu usay apna saktay ho Rehman. is waqt mujhai aur is ko aaynah may rakih saktay ho.”batul keesi bhi lamhai Yih nahi chahati thi kih captain Rehman ko fakhirah kay liye kho dey . wo alfaz ki jang lar kar usay fakhirah kay liye jeetna chahati thi.lakin....Captain Rehman kay aglay jumloon ne usay hakka bakka kar kay rakh deya tha.“ may keesi tajarbay ki bunyad par ek bat kahoon tu bura na manain bhabi . Yih qudrati bat hai kih har insaan ki fitrat may yaksaniat nahi pai jati. is may nasheb-o-faraz hotay hain. ek farq aur tanaw hai is ka tasawwur haiat aur jazbay yaqinan kya galayban muktaleaf juda juda hain... pas aap meray jazbay , culture aur phir apni bahan kay samaji iqdar may baja taur par ek tafreeq rawa rakh kar sochain tu aap ko khud hamaray dermian haeel kuchh mushkilaat ka andaza ho ga......fauji zindagi ne mujhai ba asool bana deya hai aur may na khud in usuloon say inhairaf kar sakta hoon aur na hi koi dusara meri maujudgi may mujhai maray rastay say hatane ki jurrat kar sakta hai.... jis tarh may apne profession kay andar keesi galti ka muthamil nahi ho sakta tu private zindagi may bhi aysi galti apne profession say bagawat kay maine rakhta hai..... Aap meray jazbay aur ahsasaat ko parkhai bhabi..... magrabi aur mashriqi samaaj kay dermian azli aur abdi tafriq ko har lamhai pash-e-nazar rakhain tab may app say bahtar saluk ki tawaqqo rakhta hoon. warna aysa na ho bad may muj say zada aap ko apni galti ka ahsas hamaysha satata rahai . jabkh may chahata hoon aysa na ho.”Ab batul baja taur par Yih samaj chuki thi kih captain Rehman kay muqabalay may apne jazbay aur fakhirah kay haq may khane kay liye alfaz khatam ho chukay hain. tab wo bahut bay bus dekhai deyti thi aur is ka chehra bahut had tak kesi tahni say juda phool ki tarah murjha gaya tha.Is ne aakhir kar apni shikast tasleem ki aur kaha.“theak hai tumhari kushi kay liye may aaj hi london phone kar kay is rishtay ko khatam karti hoon. lakin tumhari kushi kay liye mujhai Yih rishta tutne par koi dukh nahi ho ga.”is kay sath hi wo uth kahri hui phir darwazay kay pas ja kar wapas palat kar aai aur Captain Rehman kay pusht par kahri hui. Is kay dil may umeed ka ek nea deeya jalne laga tha...... gahari raakh kay andar ek aakhari chingari phir say lagne lagi thi. Inhi jazbat say mareub ho kar aur apni bahan ki pakezgiat ko pash-e-nazar rakh kar is ki shikast dubara fatha ki umeed may maidaan may uthr aai . Tab is ne kaha.“ Rehman kya Yih mumkin hai , chand dino kay liye tum london ho aao. insaan ka itimad itni jaldi hasal nahi hota aur zindagi par itminan itni jaldi mahsoos nahi hota. jis tarh fauji zindagi may jazbat aur mumkinaat par ghaur kar kay dushman par war kya jata hai asi tarh rozmarh zindagi may insaan ko chhant parakh kar is ka itimad hassil kar kay asal zindagi ya mustaqbil ki planning ki jati hai.... may chahati hoon chutiyein katam hone tak sirf ek bar London ho aao.... may har shikast kay bad ek fatha ka khaub dekhti hoon.... yaqinan bordaroon may rah kar tum ne bhi aysay khaub dehkhai hoon gay... bataoo London jaoo gay kya? Rishtay itni jaldi nahi bantay bahut waqt lagta hai unhain amar hone tak ...... tum wahan ja kar mumkinaat par ghaur karo aur fakhirah ko parakh lo..... tab mujhai tumharay keesi radd-e-amal par dukh nahi ho ga balkay khushi say sab kuchh sah loon gi.”Sirf itna kah kar batul wapas chali gai. jabkh Captain Rehman soch ki itha gharaioon ki zad may aa kar is makmasay ka shikar ho gaya tha kih is morr par usay kya karna chahiay kya nahi?**********************Apne hawaas mujtama kar kay bim-o-raja ki jis kafiyat may wo apne kamray tak pahunchi thi is ka karb wo khud hi mahsoos kar sakti thi.... kursi par baithi jab Captain Rehman ki batoon ka pas manzar talash karne lagi tu usay sirf aur sirf apni aur fakhirah ki bay bassi kay ilawah kuchh dekhai nahi deyta tha....usay sab say zada dukh sirf is bat ka tha kih salma ka saamna kasay karay, jis say bay jigri say muqabalah kar kay ammi ko fakhirah par razi karwaya tha. Aaj is ki shikast par yaqinan salma ko tamaskhar urane ka moqa milta tha. Go kih is radd-e-amal ka muzahara wo barahairast tu na karti lakin dil hi dil may usay batul ki haisiyat ka andaza zaroor hona tha..... bus wo issi radd-e-amal ka tor chahati thi. aur ab usay ek bat par itminan zaroor tha kih Captain Rehman par London jane ka ahsabi dabao dal chuki thi . Aur is bat ki shiddat say muntazir thi kih is ka kya natijah nikalta tha.wo har lamha is karb may mubtala thi kih ek roz usay sarih taur par Yih maloom ho gaya kih captain London jane ki taiyari mukamal kar chuka hai. Tab batul ki khushi ka koi theakana na tha aur usay is bat par kamil yaqeen tha kih is rishtay may koi darar nahi aay ga taham Yih hamesha kay liye amar ho jaay ga.yun..... kartay kartay wo din bhi aaya jab Captain Rehman sab say rukhsat ho kar London sudahra .Hethro airport par du unshanasay chehroon ne Captain Rehman ka istaqbal kya.Ek mard tha jis ne parking ki taraf jatay waqt taaruf karwatay waqt apna nam sohail bataya tha..... wo batul ka chohta bahi tha...... is ki umer unnis bees baras say zada na thi. jabkih is kay sath aai hui larki ne istaqbal kay dauraan hi Yih inkashaf kya tha kih is ka nam fakhirah hai. aur wo is ki mangayter hai. jabkh Captain Rehman ko apni samatoon par yaqin nahi aa raha tha aur na hi fakhirah ki chal dhal , waza qata aur lebaas say Yih tasleem karne ko tayaar tha kih is kay samne maujud fakhirah is ki mangaytar ho sakti hai.Fakhirah jis baybaki say uss say mili thi is par bhi wo khasa bhaunchakka rah gaya tha aur jab is ne apna taaruf karwaya tab tu usay apni bhahi batul par bay panha ghussa aa raha tha aur dil hi dil may ek lamhai ko Yih iradah kar chuka tha kih idar hi say wapas chala jaay.lakin.......maslayhat ka taqaza hi kuchh aur tha. Tab wo in kay sath in kay ghar aaya tu wahan aur hi sama tha.Bahut say loog is kay intizar may aankhaian bechaay huay thay. yun ghar may bhi in ka tuzuk-o-ihtissham say khair maqdam hua. Aur sab ne infraadi taur par is ki khairiyat deryaft ki. fakhirah ne hi usay uss ka kamra dekha deya jahan Captain Rehman apni thakan dur karne kay liye lambi taan kar so gaya.jab wo dubara utha tu sham kay saay lambay ho gaay thay .Aur jab wo naha duho kar farig hua tab sham kay saay kyanaat kay bashtar hissoon par musalat ho chukay thai. Captain Rehman jab shalwar qameez phahen kar drawing room may aa gaya tu fakhirah ek baparda larki kay sath baithi keesi point par guftugu kar rahi thi. Captain Rehman ko shalwar qameez may dehk kar duno hi chonk gaay thay. phir fakhirah uth kar Captain Rehman kay robaroo aai .... gahari aur zomiany nazroon say Captain Rehman ki prusrar aankhoon may jhanka aur hontoon par tafakur paida kya aur kaha.“Yih London hai Rehman, jis tarah sardi ho tu coat pahana parta hai. barish ho tu chatri sir par rakhni hoti hai, garmi ho tu coat utarna parta hai issi tarah London ka mahoal bhi tum say keesi aur bat ka taqaza kata hai.”Captain Rehman jahan banduoq ki war ka dhani tha, wahan alfaaz ki jang larna bhi wo khoob janta tha. fakhirah ki batoon ka markaz wo khoob janta tha is liye phalay ek sofay par daraaz ho gaya phir hontoon par ek muskaan paida kartay hua normal andaz may kaha.“maza tu tab hai jab insaan ghulam ho kar ghulami qubul na karay, dard sah lay chikhai maat, aur magrib ka garoor rondh kar mashriqi samaj ki passdari karay....”Fakhirah ne Captain Rehman ki taraf dekh kar kahne ki bajaay dusari janib baithi larki say mukihatib ho kar kaha..“ lagta hai Yih fauji roob dab hai..... dekhiay may itni jaldi har manne wali nahi hoon lakin may abtadai stage par hi tum say Yih batain kar kay tum ko bore karna nahi chahti.” phir wo Captain Rehman kay samne sofay par baith gai aur dubara mukhatib kya. “ din ko thakay hua thay is liye guftugu nahi ho saki..... sab say phalay tu Yih bataiay yahan aap kya mahsoos kar rahai hain?”dusari janib baithi larki ab baqayda in ki taraf mutwajah hui thi. shakal-o-shabahat say wo bhi fakhirah ki tarah pari shumail lag rahi thi lakin fakhirah ki nisbat wo zada sharif-un-nafs, baparda, saliqah mand aur kam go lagti thi..... Captain Rehman say is ki nazrain ek du bar hi takrai thian.“Abhi tak jo may ne mahsoos kya wo tumhari tuwaquaat kay bareks hai. is liye tumhai wazahat karne kay liye israr nahi karna chahiay.”Captain Rehman ne khalaaf mamul jawab dea tu fakhirah bhawaain charrha kar is ki janib dekhne lagi.“ ashsha tu Yih bat hai. aur agar is kay bawojud ham israr karain tu?”fakhirah ne zumaeni andaz may kaha. is dauraan sath baithi hui larki bhi is kay phalu may aa kar baith gai.“ may wazahat karne ka pabund nahi hoon.”Captain Rehman ne dusari larki ki maujudgi gawara na kar kay sirf itna kah deya.“ okay ham bhi zada israr nahi kartay. by the way Rehman , Yih meri first kazan shaila hain..... tumhain dekihane ka bahut ishtiaq tha usay, ab goar say dehkiho shaila meray mangayter ko..... lakin is kay ilawah may tumhain koi aur qadam uthane nahi deh sakti.”fakhirah ne bay takalluf ho kar shararti andaz may kaha. jabkih Rehman ko is ka Yih tarz bilkul pasand nahi tha. aur dil hi dil may baja taur par Yih faisala kar chuka tha kih Pakistan pahauch kar hi apni bhabi ko khoob sunae ga aur rishtay ko siray say khatam karay ga..... wo ab Yihi soch raha tha kih shaila ne usay sochoon ki dunya say nikkal bahir kya.“ wasay aap fakhirah ki batoon par na jaian. Yih mazaaq bahut karti hain..... is kay ilawah batooni bhi bahut hai.”“asal may Yih sab kuchh culture par depend karta hai.”Captain Rehman ne rasaan say kaha lakin is kay bawojud is kay alfaz may matanat ka asar galib tha. jabkih fakhirah is kay chahray say hi Yih tassur lay chuki thi is liye boli.“ oh ho Rehman dont be serious....... may Yihhan sirf du batoon par inhaisar karti hoon Yihi kih khush raho khush rakkho ...... by the way shaila ham loog outing par na chalain? Rehman bhi fresh mood may hai, mosam bhi cute hai enjoy karain gay.”Fakhirah ne batoon kay dermian hi program banea aur bus kuchh deir bad in ki mercedes London ki roshani say jhilmil karti wasee-o-ereez sarkoon par rawaan thi . Shaila drive kar rahi thi jabkih fakhirah Captain Rehman kay sath pichhli nashist par baithi hui thi..... Captain Rehman , fakhirah ko musalsal nazar andaz kar kay shishai say bahir jhankane laga tu wo sakht boreyat mahsoos kar rahi thi.. jab kuchh ban na para tu bhaphir kar shaila say taqaza kya.“ please shaila music on karo.”“ You shut up fakhirah , nafrat hai mujhai music say kis qadar nafrat hai..... had hoti hai fakhirah tum Rehman ko company kyun nahi deh rahi.... mera mangayter hota tu dekhti kya karti.”Shaila ne is par ashabi dabaoo dalne ki koshish ki.“bus bhi zada banne ki zaroot nahi hai. janti hoon tumhain aur tumaray auqat ko .... by the way Rehman bhi tu mujhai company nahi de raha”phir is ne Captain Rehman ki taraf dekh kar gilah aamez lahjay may kaha.“zaroori nahi hai Rehman hi tumhai company dey tum khud hi is ki company may shareek ho sakti ho.”Shaila ne fakhirah ko zich karne kay liye dubara kaha.ek lambi drive kay bad shaila ne mercedes keesi resturant ki parking may roak de.... ab raat ka raj shuruh hua tha. Resturant may pahoch kar unhoon ne halka treat liye.“ek bat bataoo Rehman”jab Yih loog dubara ghar ki janib ja rahai thay tu fakhirah ne Rehman ki taraf dehkay bagair kaha. “ tumhari nazar may mashriqi aur magrabi thazeeb aur society may koi farq hai?”“ jee hain bilkul. jis tarah du insaanoon ki fitrat may yaksaniat nahi hoti issi tarah du masharay bhi juda juda haimiat rakhtay hain.... mujhai bahut duar jane ki zaroot bhi nahi hai is waqt khud mujhai tumharay aur shaila kay dermian ek ghara farq mahsoos hota hai.... Yih bat tum khud bhi mahsoos kar sakti ho kih apne libaas, katay huay hair style aur bagair parday ki mugrib ki takleed karti hui nazar aati hai. jabkih magrabi society kay andar shaila ka nakaab is society ka zam aur garoor rondahne kay liye kafi hai....” Captain Rehman ne apni guftugu may kuchh thahrao paida kya . Is ki batoon say fakhirah kuchh hatak si mahsoos karne lagi thi jabkih shaila ka tafakur aur bar gaya tha. “insaanoon aur masharoon kay dermian thazeebi aur samaji tafawut (difference) naguzeer hota hai fakhirah ..... tum apne aur meray dermian bhi baja taur par ek farq mahsoos kar sakti ho.. mumkin hai Yih farq hamari soch may paida thahrao may talatum bhi paida kar sakta hai aur Yih bhi mumkin hai ham issi iktalaaf aur ektaraak ki waja say kabhi ek hi rasta par zada dair na chal saktay hoon. kyunkih tumharay pesh-e-nazar magrabi society ki taqleed zada haimiat rakhta hai aur may baja taur par mashiriqi aqdar ka hami hoon. Aur is ka tahafooz karne kay liye hi ek fauji officer bana hoon...?”Captain Rehman kay chehray par der aai hui matanat fakhirah baja taur par mahsoos kar chuki thi..... wo magrabi aqdar ki taeed may Captain Rehman ka muqabala karna chahati thi lakin Captain Rehman ki laffazi ne is ka zam dha kar dea tha. Ab is kay pass sawaay apni thareek par matasaf hone kay kuchh nahi rah gaya tha. Is liye faqat is ne itna kahh kar chup sadh li .“mera khayal hai , ham zada serious guftugu lay baithay hain.”jabkih is ki bat sun kar shaila baqaayda hans de thi. is kay bad garrhi may khasi khmoshi tari hui aur issi alam may wo dubara ghar phochay thay.*******************Raat dinner par ghar kay sab hi afraad maujud thay.sab ne apni bisaat aur mansha kay mutabiq Captain Rehman say Pakistan kay mutaliq sawalaat keay..... khawateen ne ghar kay afraad-e- khana ki khariatain deryafat keen. In may ek wo buzrug bhi thay jinhoon ne Captain Rehman kay profession par zer hassil bahass jharri aur phir is kay bad sab hi afraad dinning table say muntashir ho gaay.Fakhirah ne thakawat ka bahana kya aur apne kamray may ja kar late gai.Bachay aur bachiaan TV room may chalay gaay. duno buzrug bhi apne apne bedrooms may chalay gaay. so in kay jane kay bad in ki bagamoon ka jana bhi naguzeer tha. kuchh dair bad wo bhi bahir nazar na aaian...... Captain Rehman khud ko yahan bahut tanha mahsoos karne laga tha aur issi qadar usay boriat bhi lamha bh lamha mahsoos hone lagi thi. kuchh dair tak wo drawing room may baitha raha phir uth kar apne bedroom may aaya. is ki aankhoon may nind nahi thi bed par daraz hone kay bawojud nind na aai tu uth kar khirki kay samne aa gaya. ta had-e-nazar makanaat rooshani may jhilmil jhilmil kar rahai thay.Issi manzar par aankhain markooz kar kay wo jald wapas jane ka program bana raha tha.....wo fakhirah ki soch aur tarz-e-zindagi say ek fesad bhi mutmain nahi tha . kuchh der fakhirah ki company may rah kar hi wo is khayal ko apne dil say jhatak chuka tha kih fakhirah is ki mangayter hai.Wo inhi sochoon may musruf tha kih apne phalu may ek ahat mahsoos ki. Daian taraf sir guma kar dekha tu shaila hathoon may kafi kay mag thamay aur hontoon par ek haqiqi aur jawaydani muskurahat sajaay khari thi.“lagta hai bore ho gaay ho.....”Shaila ne is ka chehra parh kar kaha.“nahi tu.”Captain Rehman ne chehray par zarbardasti bashashat paida kartay huay kaha. aur phir bahir jhankne laga.“ yaqinan coffee ko pasand kartay ho.... may ne kihud banai hai umeed hai pasand na karo tab bhi pasand aay gi. kyunkih har insaan ko apne aap par bahut zada itimad hota hai........ aur is par bhi jis say wo mukihatib hota hai aur mujhai wo apna mahsoos karta hai.”Ye kahtay huay shaila ne coffee ka cup Captain Rehman kay hath may thama deya. Is kay muh say nikalne walay alfaaz say khulus-o-iltifat ki motiyian jharrne lagi thian aur is ki goyai ne Captain Rehman ko kam mutassir na kya tha. is ne shukreay kay sath cup lea aur ek ghont lea . coffee phalay ghont say hi ummda maloom ho rahi thi.“Coffee ka phala ghont bahut achchha raha.”Captain Rehman ka haq-e-namak ashi tarah ada karna chahata tha.“Tareef karne ka shukrea,...... wasay coffee ek bahana tha.... meray khayal tha idar kamray may dakhil hone kay liye fakhirah meray sath ho gi. lakin ab wo mukamal taur par so chuki hai...... is liye khud hi aana para...... by the way agar tum disturb na ho tu may kuchh dair tumhari company ko enjoy karna chahati hoon.”Goya shaila ne khul kar apne jazbay ka izhar kya.... Captain Rehman kaysay inkar kar sakta tha...... is ne hath kay isharay say shaila say baithne ko kaha. Shaila shukrea ada kar kay kursi par baith gai...... Captain Rehman bhi is kay samne wali kursi par baith gaya.“Wasay may ek bat khane aai thi..... tum ne fakhirah ki batoon ko ghara tu nahi lea?”Captain Rehman kay baithtay hi shaila ne kuchh tuwaqquf kay bad kaha. “ kuchh had tak zaroor......”Captain Rehman ne coffee kay mutawatir ghont lay kar kaha.“hoon..... is kay ilawah fakhirah ko kaysa paya?”Shaila ne achanak dusara sawal daga.“Bahut mushkil sawal hai..... is ka jawab may tumhari tuwaqah kay mutabik nahi de sakta.”Captain Rehman ne keesi khadshai ki bina par kaha.“Zaroori nahi hai jawab meray haq may ho..... bharhal mujhai apni raay say zaroor aagha karain.”Shaila ne is ki nafsiaat par goar kartay huay kaha.... is ki bat sun kar Captain Rehman kuchh second kamosh raha phir baydarak kah deya.“ Sach tu ye hai fakhirah kay mutaliq Pakistan may mujhai jo kuchh bataya gaya tha haqiqat may, may ne usay hargiz aysa nahi paya.... wo is rastay par gamzan hai jis say mujhai ektelaaf hai..... wo magrabi tashakkus ko faroog deyna chahati hai aur may magrabi nazriaat say ektelaaf karta hoon, tum samaj sakti ho hamaray dermian kitna bara farq hai...... ye farq chhupa bhi nahi hai jabkih wazih dekhai de raha hai....”“Lakin is sab kay bawojud mujhai ye khane may zara bhi bak nahi kih fakhirah bahut achchhi aur qabil larki hai, kyunkih wo sab say zada meri company may rahi hai.”Shaila ne fakhirah ki taeed may kaha.“ is ki qabiliat apni jagah lakin meray nazdeek wo tum say zada achchhi kabhi ho sakti hai.... mujhai is kay kirdar par zara barabar shak nahi hai lakin wo tum say zada ba kirdar nahi ho sakti .... ye bhi mumkin hai tum is say zada qabil ho.”Captain Rehman ki batoon say shaila kay dil may ek umeed jaguzeen ho gai thi..... aur Captain Rehman kay muh say apni tareef sun kar wo pholay nahi sama rahi thi...... yun tu is ka dil keesi amar waqay par bahut mutmain tha phir bhi is ne apne jazboon aur hosloon ko mujtama kar kih kaha.“ ye ektelafaat tu har insaan ki fitrat say munsalik hain lakin may ye kasay bhool sakti hoon kih fakhirah tum say bahut mohabat karti hai.... is ka izhar wo muj say barmala karti hai.”Shaila ki is bat say Captain Rehman qatai mutassir nahi hua tha. is liye kaha.“ Muhabat qabalay amar waqaah hai lakin jazbati rawish kay zada qareeb hai.... meray nazdeek is ki ahmiat bahut kam hai. insaan ko kesi na kesi cheez say zada mohabat hoti hai jaysay mujhai apne profession say hai.”“Lakin tum ye bat tasleem tu kartay ho na kih mohabat ek lafani jazba hai?”Sheyla ne istafhamiyyah nazroon say is ki aankhoon may jhank kar kaha.“ Ho sakta hai is ki haqiqat ye hi ho, lakin is ko bay baha ahmiat de kar apne mazhab ko bhi nahi bhoolaya ja sakta.”Captain Rehman ki mutawatir rafiq batoon say shaila ko mahsoos hone laga tha kih wo is say alfaaz ki jang nahi lar sakti kyunkih usay shikast khane ka ahtaymal tha. is liye is ne guftugu ka mozu morr deyna chaha.“ Achchha chhorriay is guftugu ko..... wasay mujhai tumhara profession bahut pasand hai...... is liye may tum say dosti ka hath barrhane aai hoon ..... kya tumhain ye dosti qubul hai?”“ May tumhara kuloos nahi thukra sakta.”“ tumhara bahut shukriah Rehman”“koi bat nahi.”“Achchha ek bat bataiay, literature say tumhai kitni dilchaspi hai?”“ Khud takhleeq karni ki dilchaspi nahi hai lakin mutualay ka zada shauq hai.”“Kin takhleeqkaroon ko zada partay hain?”“Sirf teen Pakistani writers meray nazdeek zada ahmiat rakhtay hain in may Tariq Ismial Sagar, Naseem Hijazi aur A. Hameed shamil hain.... in writeroon kay adab say may ne bahut kuchh sekha hai. Aam zindagi may bhi aur apne profession may bhi.”“ kya Pakistan ja kar mujhai in writeroon ki kitabain bhaj saktay hain may kitaboon ki qimat ada kar duu gi.’“ tumhara shauq hai tu zaroor bhaj duu ga.... wo meri taraf say tumharay liye gift hoon gi.”“Achchha shukria.”Is kay bad bhi Shaila ne is ki zati zindagi aur mushaidaat kay hawalay say inginat sawalaat kea.... in kay jawabaat deytay deytay kafi raat ho chuki thi.Lakin.......Is kay bawojud in ki aankhoon may nind ka shaaybah tak na tha. Shaila Captain Rehman ki Shaksiat, mutahamil mezaji aur takalum say had darjah mutassir ho gai thi is liye is kay qareeb say uth jane ko dil nahi kar raha tha. wo subh tak is ki company may rahne ki khoishmand thi. lakin munasib khayal na kya aur kafi dair kay bad is say ajazat lay kar uth khari hui. Is waqt bhi Rehman ki aankhoon may nind nahi thi...... jab wo wash say ho kar wapas aaya tu shaila is kay kamray may maujud thi. Captain Rehman ka wash room say bahir nikaltay hi boli.“ Agar fajir kir namaz kay liye uth na chaho tu may jaga duu gi.”“ Wasay tu may khud jagne ka aadi hoon , agar na jag saka tu zaroor jaga dain.”Captain Rehman ne kaha aur shaila ji achchha kihh kar chali gai. tab Captain Rehman lightain bujha kar bister par late gaya. Taqribaan ek ghanta karwatoon may kat gaya tab kahain ja kar usay nind ki devi ne apni bahoon may sama lea. aur wo bay khabar sota raha..*******************Raat dair say nind aane ki wajah say subh Captain Rehman khud na jaag saka. Is liye shaila ne aa kar usay jaga deya . Captain Rehman fajir ki namaz par kar abhi farig hua tha kih sath walay kamray say niswani aawaz may surah yaseen ki talawat shuruh hui..... Captain Rehman ko baja taur par mahsoos hua kih ye shaila ki surili awaz hai. tab is ne ja kar kamray ka darwaza khol deya tu awaz aur zada numaya ho gai.Captain Rehman ne shaila ki awaz may surah yaseen ki talawat puri suni, phir jab raat ka andhera chhat gaya tu walk par nikal gaya. Shaila ne talawat say farig ho kar aa kay dekha tu Captain Rehman apne kamray may maujud na tha wo kuchh khayal kar kay wapas chali gai. taqriban ek ghantay bad Captain Rehman walk say wapas aaya tu ghar kay degar afraad may say koi bhi jaga hua na tha. Sirf shaila kitchen may sab kay liye nashta taiyar karti hui nazar aa rahi thi...... is ne Captain Rehman ko wapas aatay hua dekha aur kuchh dair bad bed tea kay sath is kay kamray may hazir hui.“Lagta hai morning walk par chalay gaay thay?”Shaila ne sawaliah andaz say is ki taraf cup barhatay huay kaha.“ji haan , bus adat si ho gai hai.”Captain Rehman ne is kay hath say cup lay kar jawab deya.“ mujhai maloom hota tu tumhain zaroor company deyti....... may khud morning walk ki khoish rakhti hoon lakin koi bhi company nahi deyta aur tanha bahir jane say dar lagta hai.”Shaila ne kaha.Chalain may jitne din yahaan raha tumhain company duu ga aur tum mujhai.”Kahne ko Captain Rehman ne kah deya lakin jis waqt shaila bed tea kay sath is kay kamray may dakhil hui tu wo ye soch raha tha kih shaila ko aayanda maray samne na aane kay liye kahai. kyunkh jitni zada wo Captain Rehman ki aankhoon kay samne aati thi is kay dil say fakhirah ki ahmiat itni hi kam ho rahi thi. aur wo ye bat bhi baja taur par mahsoos karne laga tha kih wo fakhirah ki zaat say mutanafir ho chuka tha. ye is liye bhi kih wo shaila ki nisbat islam aur is kay asuloon , khuda aur is ki wahdeniat , rasool aur is ki sunat zindagi aur is kay zawabit say bahut had tak nabalad aur bahut duor dekhai deyti thi.Tab lamhoon kay hazarway hissoon may Captain Rehman kay dil may ye khoish umandti thi kih ay kaash fakhirah kay bajaay shaila say is ki nisbat thahr jati tu wo karwatoon aur iztirab kay karb say nikal aata.Tab usay shaila ki khush bakhti aur is shaks ki khush qismati par rashk aata tha jis ki qismat may shaila jaysi pak surat aur pak sirat larki say beeah ka rishta ustawar hona tha.Captain Rehman ye mumkin nahi samajta tha kih shaila is kay dil may keesi khaub ki tabeer ban kar aay gi. wo apne aur is kay dermian is nagahani milaap ko husan-e-itafaaq par mahmul kar raha tha. lakin waqt kay in rawayion ka karb usay is ahsas-e-kamtari ka shikar kar raha tha kih shaila is ki kyun na ban saki aur kyun na ban sakti hai..... tab issi ahsas kay tahat wo shaila say daur bhaagna chahata tha.. jis ne apne husan-e-saluk say Captain Rehman kay dil may bahut jagha bana le thi aur fakhirah kay liye nafrat aur kadurat ka jazba baydar kar kay usay mukamal taur par is kay aur apne dermian qaim karda rishtay say bagawat par aamada kar deya tha.Captain Rehman is ghar kay andar ye umeed karta tha kih wo bar bar shaila ka samna na karay.Lakin........Usay ye sab kuchh mumkin dekhai na deyta tha.Wo sochta tha shaila ko apne ahsab par musallat na karay.Lakin......ye sab kuchh mumkinaat may say na tha.Tab is ne khud ko maza ma maza ( let bygones be bygones) halaat kay bahtay dharoon par baylagaam chhor deya tha.Captain Rehman kay sath du bachay nashta karne may masroof thay. jabkih shaila ek waiter ki hasiaat say Captain Rehman kay sath sath in bachoon ki zaroratoon ko baja la rahi thi. ye bachay bhi school jane kay liye jagaay gaay thay. jabkih baqi afraad abhi tak nind kay mazay lay rahai thay. jabkih kesi kamray say madhum awaz may kharatoon ki awaz drawing room tak aa rahi thi.Nashtay kay bad bachay school ko ja chukay thay. jabkih Captain Rehman drawing room may baitha akhbar ka mutalah karne laga . shaila kuchh dair bad is kay pas baithi aur jab daftar jane kay liye du mard hazraat aur jag gaay tu unhain nashta karwane chali gi. phir wo waqfay waqfay say uthne walo ki madarat say issi ulaj gai kih subh kay dus baj gaay.Sub jaag chukay thay.Lakin.........fakhirah abhi tak soi hui thi. shaila ne ja kar barha usay Captain Rehman ki mujudgi ka ahsas delaya lakin nind ka khumar is par aysa chharha tha kih uthne ka nam hi nahi lay rahi thi. Tab Shaila ne tang aa kar usay chhor deya aur Captain Rehman ko lay kar outing par nikal gai. Ab wo Captain Rehman ko date karne kay liye sirf fakhirah par dar o madar karna nahi chahiti , ye bahtar janti thi fakhirah keesi na keesi morr par kahili ka muzhira zaroor karay gi. Aur is ne dusaray din say hi aysa karna shuru kar deya tha.Shaila drive kar rahi thi aur Captain Rehman front seat par baitha is say muktaleaf mozuaat par guftugu kar raha tha. is guftugu kay dauraan shaila , Captain Rehman ko London shahr ki taqriban sari khubsurat jaghain dekha chuki thi. in ki mercedes ab Shafsbury Avenue say Oxford street may dakhil ho chuki thi. shaila ne sarsari taur par irdgird ka ek chkar kata phir Regent Street say Piccadilly may dakhil hui. Is ne garri ek taraf park ki aur duno chal kar Aeroz kay mujasmay kay qareeb aay jahan inginat hippy muktaleaf afaal may sirgardaan nazar aa rahai thai. Duno kuchh dair mujasmay kay pass ruk gaay. Shaila ne Aeroz kay mujasmay aur mashor-e- zamana Piccadilly circus par ek muktassir sa tarikhi bahass kya phir ye loog chal kar Piccadilly kay zer-e-zamin railway station par aay...... Captain Rehman europe kay phalay duray par tha...... ek tu wo shaila ki company ko bahut enjoy kar raha tha aur dusari taraf London ki ranginiaan bhi is ko bahut had tak mutassir kar gaian thian.Piccadilly ka zer-e-zamin railway station dekh kar Captain Rehman tamam maslahatoon ko balaay taq rakh kar ye mahsoos karne may haq bajanib tha kih bila shubah Pakistan ki nisbat taraqqi-o-manzalat may bahut aagay chalay gaay hain. jabkih Pakistan ka zamini railway nizam tittar bittar tha jabkih yahan zer-e-zamian railway nizam ko mustahkam kya gia tha. wo issi bat ka rona ro kar dubarah shaila ki maiyyat may parking may aaya jahan unhoon ne mercedes park ki thi.Thori dair bad mercedes dubarah shaharah par furaatay bhar rahi thi.Jab wo dubarah ghar pohchay tu thakay mandah thay. In kay aatay hi dinning room may khana saja deya gaya. Fakhirah din kay giyarah bajay uthti thi. Subh kay bad wo drawing room may baithi keesi english novel ka mutalah kar rahi thi. Romance usay pasand tha. Is kay liye wo francesisi novel nigaar Victor Hugo aur Ireland kay mashur novel nigaar James Joyce kay naveloon ka khas mutalah rakhti thi. Is kay ilawah bhi wo George Sand kay adab say bhi khas had tak dilchaspi thi. France kay mashur novel nigar Jaecuse Lelia ka wo ghara mutalah takhti thi.Majmui taur par usay adab say khas dilchaspi thi..... har novel ko du teen bar zaroor parhti thi aur khud ko is novel ka ek kirdar khayal karti thi.Kuchh dair bad jab Captain Rehman aur Shaila lunch kar rahai thai. Fakhirah drawing room say uth kar kitchen may aai . Thori dair bad jab wo dinning table par Captain Rehman aur Shaila kay rubaru baithi tu is kay hath may coffee ka ek mug tha.“ By the way, subh subh tum loog kahan chalay gaay thay?”Fakhirah ne bagair in ki taraf dekhai puchha tha.“ Jahan bhi gaay hoon tumhain is say kya hai?”Shaila ne masnui sanjeedgi iktiar kar kay usay jharrna chaha. jabkih Captain Rehman khamoshi say nashta kar raha tha.“ May sanjeeda hoon Shaila. kam az kam mujhai bhi inform kya hota.... tumhari company kay liye bahut bore ho gai.Fakhirah ne apne aap par sanjeedgi tari kartay huay kaha.“ Zada banne ki zarorat nahi . Achchi tarah janti hoon tumhain. “Shaila ko fakhirah ki sanjeedgi par gussa aane laga tha. “ tumhain sharam aani chahiay raat ko bhi company deay bagair jald hi ja kar so gai aur subh bhi itna uthtane kay bawojud uthtne ka nam na lea aur ab ulta chor kottwal ko dantay ka role ada kar rahi ho.”“I am really sorry of my attitude” ( mujhai apne rawaiay par afsoos hai.) Fakhirah ko apni galti ka ahsas hone laga tha. phir is ne bazabtah andaz may kaha. “ aaindah aysa nahi ho ga.”Phir is dauraan Captain Rehman lunch mukamil kar kay apne kamray may chala gaya.Tab shaila fakhirah ko mazeed is kay rawaiay par kosne lagi. jabkih khud fakhirah ne bhi mahsoos kya tha kih Captain Rehman is say khencha khencha hai aur shaila usay apni company de kar is ka dil jeetne lagi hai tu is ne bhi ab bazabtah taur par medaan may utarne ka faisalah kya tha.****************Qaylulah kay bad Captain Rehman utha tu Fakhirah coffee kay sath is kay pass maujud thi.... Captain Rehman ne mahaz ek dost ban kar is ki company join ki.“ may raat aur subh kay cause par mazrat chahiti hoon.....”Fakhirah ne guftugu ka aagaz hi inhi kalmaat say kya tha ta kih is ki taraf say Captain Rehman ka dil saaf ho jaay..... yun tu Captain Rehman ne Fakhirah kay raat aur subh kay atwar ko mahsoos kya tha lakin sirf inhi du wajuhaat ki bina par usay hadaf tanqeed nahi banea tha. usay sirf Fakhirah ki magribi zahniat aur is ki taqleed say gahara ektalaaf tha is wajah say is ne kaha.“ May aysi mamoli batoon ko mahsoos nahi karta.”“ meray nasdeek ye mamoli bat nahi hai...... mujhai khud sharmindagi say khana parta hai tumhain shaila say barh kar mujhai company deyni chahiay thi.... Aaindah may tumharay sath apni company mis nahi karoon gi..”Is nae ezam kay sath is ne Captain Rehman kay sath treatment lea aur phir is ko apne sath shopping par lay gai. Balkay shopping say phalay is ka ye program tha kih Captain Rehman ko apne europian dostoon say melaay phir sham kay saay gaharay hone tak is ne captain Rehman ko apne inginat dostoon sy milaya aur is kay bad duno Cornbee street chalay gaay.Tab London shahr roshanion may jagmaga raha tha.Issi tarah Cornbee Street jasay fashion kay bare markaz may nazar aane walay chaharoon may bhi bay panah bashashat howayda thi. khud fakhirah ko Captain Rehman ki rafaqat may aur zada tafakur ka ahsas ho raha tha. Issi wajah say is ne Captain Rehman aur apne liye kuchh zada hi shopping kar li thi.Shopping say farig ho kar duno ghar pochai tu Asif Khan ( Fakhirah kay Abbu) ne ek hindustani family ko dinner par madu kya tha. so sirf in ki aamad ka intizar kya ja raha tha. In ki aamad kay sath hi Captain Rehman ko is ghar may is ki hasiat aur profession kay hawalay say indian family say pur fakar taruf karwaya gaya.kuchh dair bad dinning table par degar afraad kay sath du hareef bhi ek dusaray kay rubaru baithay huay thay.Captain Rehman...... Pakistani Fauj ka officerAur.....Hindustani Fauj ka ek wajih officerCaptain Ajay Vardha.Duno kay dermian bhi taruf karwaya ja chuka tha aur duno ne hi profession ko maslayhat ki bina par balaaytak rakh kar ek dusaray say garmjoshi say munaqah kya tha.yahin say duno kay dermian melaan aur iltifat ka jazba ustuwar ho chuka tha. dinning table par duno ne profession par koi bat na ki jabkih in ki guftugu ka markaz private zindagi thi.Raat kay jis pahr bhi indian family ruksat ho kar wapas chali gai is muktasar say arsay may Captain Rehman Ajay vardha kay dermian ek ghara iltifat paya jane laga tha. kyunkh profession say hat kar duno insaan parwar dost thai.Yih mahfil kafi raat tak jami rahi.... is liye captain Rehman bhi raat gaay apne bed room may chala gaya tha.Subh Sunday tha is liye ghar kay bashter afraad London may maujud kuchh families say milne chalay gaay thay. Jin may Fakhirah bhi pash pash thi. Jabkih shaila Captain Rehman ki waja say ghar may ruki hui thi. Captain Rehman bahut zada thakawat mahsoos kar kay abhi tak soya hua tha. Ghar may is kay ilawah Shaila ka baap Afzal Hyder maujud tha jo tabiyat ki kharabi ki waja say dusaray loogo ko company nahi de saka tha. Is waqt wo bhi keesi kone may baitha nazar aa raha tha. Shaila unhain ibtadai treat karne kay bad ek zaroori phone kar rahi thi kih Captain Rehman jaag kar drawing room may aa gaya . Shaila na phone par muktasaran bat ki. Captain Rehman ko Akhbar la kar pash kya phir khud is kay liye nashta taiyar karne chali gai.Captain Rehman kay nashta say farig hotay hi shaila usay lay kar outing par jane lagi thi kih Captain Ajay vardha ka phone aaya. unhoon ne Captain Rehman ko apne ghar may aane ki dawat de thi. Captain Rehman wahan jane kay liye sirf soch hi raha tha jabkih shaila wahan jane kay liye baqaayda program bana chuki thi.Adhai ghantay bad jab wo duno Oxford street may Captain Ajay kay ghar pochai tu wo aur is ki mangayter Marvi Dickshat ne achcha istaqbal kya......yahan aa kar bhi Captain Rehman yih dekih kar haraan rah gaya tha kih shaila ne apna parda barqarar rakha tha. Captain Ajay vardha ne raat ko bhi shaila ko baparda paya tha ab bhi wo is kay samne is halat may aa gai thi.... yih tu usay maloom tha kih shaila Captain Rehman ki mangayter nahi albattah ek bhatareen dost aur maizban ki tarah usay treat kar rahi hai.Captain Ajay vardha ki young mangayter Marvi Dickshat husn-o-jamal ki shahkar thi... Is ki bare bahan Indian film industry may namwar hasiat ki malkin thian. is ne apne fun kay zareay hazaroon shaiqeen paida keay thay. .... Ab magrabi taqleed may din sirf kar rahi thi. jabkih Marvi Dictshat London aur Paris ki fazaoon may jawaan hone kay bawojud dhar muk badhi ( mazhabi zahan) rakhti thi.Mukarah samay puja par arthana karna is ka awaalin kartuvi thi.Is ne Oxford university say taleem hassil ki thi lakin government kay kesi nichlay darjay kay school say parhne walay Captain Ajay vardha par tarji de. Is liye bhi kih usay mashriqi lahoo may wafadari ahsas nazar aata tha aur is liye bhi kih Captain Ajay vardha kay sath is ka khooni sambandh tha.Aur wo is sambandh ki rakhsha karna chahati thi.Captain Ajay vardha ek bhag bhara nojawan tha.Jab Marvi Dictshat ki wadaa kay liye soyamber rachna may is kay samne saat khubsurat aur liaq fiaq nojawanoon ki taswerain rakhi gaian..... in may say chhe ko wo achchi tarah janti thian jin say wo barha London may aur baz auqat Hindustan may mil chuki thian.Sathveen kay sath is ka khooni sambandh zaroor tha.Lakin.........Is kay bawojud wo usay ajnabi ajnabi sa lagta tha. aur apni mashriqi bashashat, sharafat aur wajahat ki wajah say bahut achcha lagne laga tu Marvi Dickshat ne sirf tasveer dekh kar hi yih faisala kya kih wo is nojawan ki patni ban kar puri sansar ki mukti hassil karay gi.Aur jab......Captain Ajay Vardha haqiqat kay aawarsh may is kay samne aaya tu Marvi Dickshat ko yih ahsas ho gaya tha kih darhaqiqat is ka intikhab puray sansar kay preamiyoon say bahtar hai.Marvi Dictshat kay man may Captain Ajay Vardha kay liye baypanah piar tha aur wo junoon ki had tak usay chahiti thi. Aur kabhi kabhi paimanah ak labrez hota to wo Captain Ajay Vardha ko man kay dawal may parbho khayal kar kay puja karti thi. Aur is amal say is kay halwat man ko bahut had tak anand milta tha.Dusari taraf Captain Ajay Vardha ko bhi ahsas tha kih is ka dil Marvi Dictshat ki mohabat say khali nahi hai. Wo ishq ki dunya may Marvi Dictshat tak pahonchnay kay liye laimtinahi safer tai kar chuka tha. Aur khabi khabi usay ahsas ho jata tha kih usay inginat jazbat aru ahsasat liye itna safer aur patna hai.****************************Is mulaqat kay bad Captain Rehman aur Captain Ajay Vardha ek dusaray kay aur zada qareeb aa gaay thay. Aur in kay dermian dosti bhi parwan charr chuki thi jabkih unhoon nay siyasi, mazhabi aur profession ki maslahatoon ko keesi bhi lamah paish-e-nazar nahi rakha tha.Kyunkeh in sab say phalay in kay dermian insaaniat ka rishta karmarfa tha.Lunch kay bad Captain Rehman aur shaila janay kay liye muser thay. jabkih Captain Ajay Vardha aur Marvi Dictshat unhain janay denay kay liye taiyar na thay. kyunkeh wo khud bhi is waqt ghar may tahna tha aur in ki family kay baishter afraad bhi out door chalay gaay thay....... Marvi Dictshatki khoish thi outing par jaya jaay. is liye wo in kay ruknay kay liye zada israr kar rahi thi.Captain Rehman ne chahne kay bawojud inkaar kar deya. wo Shaila ko mazeed yahan rokna nahi chahita tha kyunkeh yeh mahsoos kar raha tha kih Shaila kay parda may khlal parr raha tha aur wo janay kay iraday say barah is ki taraf dakhti thi.Captain Ajay Vardha aur Marvi Dictshat say rukhsat honay say phalay yeh faisala tai hua kih Captain Rehman aur Captain Ajay Vardha apni apni mangaytaroon kay sath South Hall may picture dekhnay jama hoon gay. Jab Captain Rehman aur Shaila ghar pahonchay tu fakhirah ko apna muntazir paya.“ janaab kahan chalay gaay thay tum duno ?” Fakhirah keesi darwazay say nikal kar aai aur duno ko dekh kar puchha “ Aur shaila tum maray sath achcha nahi kar rahi ho.”“ Zada bannay ki zaroorat nahi hai. Samjhi tum.....”Shaila is ki pith par ek hath raseed kar kay boli aur Captain Rehman ko is ki company may chorr kar apnay kamray may chali gai. Tab Fakhirah , Captain Rehman ko baithnay ki zahmat deay bagair kharay kharay hi boli.“ Rehman kia mujhay company de saktay ho.... South Hall chaltay hain picture dekhnay.. tumhari company may bahut enjoy karoon gi may.”Captain Rehman ne apnay kamray ki taraf jatay huay kaha. “ abhi may tumhay company nahi de sakta. Albattah raat ko zaroor South Hall kay liye may aur Captain Ajay Vardha ka phalay say program ban giya hai.”“ Ho such.” Fakhirah khushi say chahak uthi thi. “ Tab tu ye program aur strong ho jaay ga...” phir wo Captain Rehman kay hamra is kay kamray may dakhil ho kar boli. “Rehman abhi sonay tu nahi ja rahay?”“ Ji han agar tum ne sonay kay liye muqa farham kia tu zaroor.”Phir wo Fakhirah ka jawab sunay bagair wash room may chala giya.. Kaprray tabdeel kar kay bahir aaya tu Fakhirah is kay bed par baithi hui is ki aamad ki muntazir thi. Captain Rehman jasay hi washroom say bahir nikla wo boli.“ May tumhain ab sonay nahi de sakti...... is liye kih may khud tumhari company kay liye soi nahi hoon. Subh tum zada dair soay huay thay is liye may mama logoon kay sath out door chali gai.... Aaj may tum say apni private zindagi kay hawalay say kuch zaroori batain karna chahiti hoon.... keyunkih raat tak ye waqt guzarna maray liye bahut mushkil ho ga.’Captain Rehman is dauraan is kay samnay ek kursi par baith chuka tha.... Fakhirah ne jab apni bat khatam ki tu wo is ki taraf dekh kar muskuraya. Tab Fakhirah kesi qadar jurrat kay sath is ki pusht par aai aur is kay kandhoon par apni bahain hamael kar dein. Captain Rehman ne is kay sath qata taluq nahi kia tha is liye maslayhat jan kar khamosh raha. Tab Fakhirah ne ek jurrat kay bad ek aur jurrat kar dali.“Rehman.”“ hoon”“ Dil karta hai dil may jo kuch hai sab kuch khol kar rakh duun.”“ Mujh say magrabi perokari ki batain na karo tu achcha hai.’“ Nahi may wo bat karne ja rahi hoon jo mashriqi samaaj may bhi jaiz hai..... hamaray dermian jo rishta qiam ho chuka hai. ye apni jagah, lakin kia ye zaroori nahi kih insaan ek dusaray ko samajne ki koshish bhi karay. is kay dermian ek understanding qiam ho aur ek had tak ye bhi kih insaan ko dusaray insaan say mohabat karni chahiay.... mohabat tu hamaray paighambaroon ne bhi ki thi..... Hazrat Yousuf aur zulikha sab say bari mesal hain. Tumhain pata ho ga zulikha ne shiddat zajbaat say mugloob ho kar Hazrat Yousuf ka daman bhi pahrra tha.”Captain Rehman ne us ki raraf hairat say dekhtay huay kaha “ Tum yahan rah kar bilkul hi apnay mazhab say daur ho gai ho. Tum ko ye bhi nahi maloon kih Hazrat Yousuf aur Zulikha ka waqiah quran may kis tarah bayan kia giya hay. Darsal Hazrat Yousuf aur Zulikha kay dermian koi mohabat nahi thi. Zulikha Governor misar ki bewi thi aur wo Hazrat Yousuf ki bah panah khubsurti say bahut mutassir thi . Zulikha ne buri niat say Hazrat Yousuf ko apnay pass bulaya aur un ko ghuna par amada karnay ki koshish ki lakin Hazrat Yousuf jab wahan say bhagay tu pechay say Zulikha ne unhain roknay kay liye un ka daman pakra lakin Hazrat Yousuf jhatkay say apna daman churra kar bhag gaay jis say un ka kurtay ka daman phat giya tha.” “lakin ye batain mujh say karnay ka kia matlab.” Captain ne us ki taraf dekhtay huay kaha.“ I love you ­­­­­­­­­­­_________________ .” ( may tumhain baypanah chahiti hoon ) khabi ye ahsas bhi ho jata hai kih khud say zada tumhain chahiti hoon. apnay say zada tum par itimad hai.”“ Sirf itna kahna chahiti thi ?”“ mujhay aur bhi bahut kuch kahna hai.”“ Lakin is say phalay mari ek bat par dheyan du. maray aur tumharay dermian koi baqaida rishtah tai nahi hua hai. Sirf itni bat dal de gai hai kih koi rishtah qiam kia jaay.”“Ji nahi .” Fakhirah pusht say hat kar Captain Rehman kay samnay ek kursi par baith gai. “ Mara emann hai kih tumharay aur maray dermian mangni tai kar de gai hai. is bare haqiqat say tumhain khabi inkaar nahi hona chaiay.

Novel Part-2

Is mulaqat kay bad Captain Rehman aur Captain Ajay Vardha ek dusaray kay aur zada qareeb aa gaay thay. Aur in kay dermiyan dosti bhi parwan charr chuki thi jabkih unhoon ne siyasi, mazhabi aur profession ki maslahatoon ko keesi bhi lamah pesh-e-nazar nahi rakha tha.
Kyunkeh in sab say phalay in kay dermiyan insaaniat ka rishta karmarfa tha.
Lunch kay bad Captain Rehman aur shaila janay kay liye musirr thay. jabkih Captain Ajay Vardha aur Marvi Dikshat unhain janay denay kay liye taiyaar na thay. kyunkeh wo khud bhi is waqt ghar may tahna tha aur in ki family k baishter afraad bhi out door chalay gaay thay....... Marvi Dikshat ki khoish thi outing par jaya jaay. Is liye wo in k ruknay k liye zada israr kar rahi thi.
Captain Rehman ne chahne kay bawaujud inkaar kar diya. Wo Shaila ko mazeed yahan rokna nahi chahta tha kyunkeh yeh mahsoos kar raha tha kih Shaila k parda may khlal parr raha tha aur wo janay k iraday say bar’ah is ki taraf dakhti thi.
Captain Ajay Vardha aur Marvi Dikshat say rukhsat honay say phalay yeh faisala tai hua kih Captain Rehman aur Captain Ajay Vardha apni apni mangetaroon k sath South Hall may picture dekhne jama hoon gay.
Jab Captain Rehman aur Shaila ghar pahonchay tu fakhirah ko apna muntazir paya.
“ janaab kahan chalay gaay thay tum duno ?” Fakhirah keesi darwazay say nikal kar aai aur duno ko dekh kar puchha “ Aur shaila tum maray sath achcha nahi kar rahi ho.”
“ Zada bannay ki zaroorat nahi hai. Samjhi tum.....”
Shaila is ki pith par ek hath raseed kar k boli aur Captain Rehman ko is ki company may chorr kar apnay kamray may chali gai. Tab Fakhirah, Captain Rehman ko baithne ki zahmat diay bagair kharray kharray hi boli.
“ Rehman kia mujhay company de saktay ho.... South Hall chaltay hain picture dekhne... tumhari company may bahut enjoy karoon gi may.”
Captain Rehman ne apnay kamray ki taraf jatay huay kaha. “ abhi may tumhay company nahi de sakta. Albattah raat ko zaroor South Hall k liye may aur Captain Ajay Vardha ka phalay say program ban giya hai.”
“ Ho such.” Fakhirah khushi say chahak uthi thi. “ Tab tu ye program aur strong ho jaay ga...” phir wo Captain Rehman k hamra is k kamray may dakhil ho kar boli. “Rehman abhi sone tu nahi ja rahay?”
“ Ji han agar tum ne sone k liye mauqa farham kia tu zaroor.”
Phir wo Fakhirah ka jawab suune bagair wash room may chala giya.. Kaprray tabdeel kar k bahir aaya tu Fakhirah is k bed par baithi hui is ki aamad ki muntazir thi. Captain Rehman jasay hi washroom say bahir nikla wo boli.
“ May tumhain ab sone nahi de sakti...... is liye kih may khud tumhari company kay liye soi nahi hoon. Subh tum zada deir soay huay thay is liye may mama logoon k sath out door chali gai.... Aaj may tum say apni private zindagi k hawalay say kuch zaroori batain karna chahiti hoon.... keyunkih raat tak ye waqt guzarna maray liye bahut mushkil ho ga.’
Captain Rehman is duraan is k samne ek kursi par baith chuka tha.... Fakhirah ne jab apni bat khatam ki tu wo is ki taraf dekh kar muskuraya. Tab Fakhirah keesi qadar jurrat k sath is ki pusht par aai aur is kay kandhoon par apni bahain hamael kar dien. Captain Rehman ne is k sath qata taluq nahi kia tha is liye maslayhat jan kar khamosh raha. Tab Fakhirah ne ek jurrat k bad ek aur jurrat kar dali.
“Rehman.”
“ hoon”
“ Dil karta hai dil may jo kuch hai sab kuch khol kar rakh duun.”
“ Mujh say magrabi parokari ki batain na karo tu achcha hai.’
“ Nahi may wo bat karne ja rahi hoon jo mashriqi samaaj may bhi jaiz hai..... hamaray dermiyan jo rishta qiam ho chuka hai. Yeh apni jagah, lakin kia ye zaroori nahi kih insaan ek dusaray ko samajne ki koshish bhi karay. Is k dermiyan ek understanding qiam ho aur ek had tak ye bhi kih insaan ko dusaray insaan say mohabat karni chahiay.... mohabat tu hamaray paighambaroon ne bhi ki thi..... Hazrat Yousuf aur zulakha sab say bari mesal hain. Tumhain pata ho ga zulakha ne shiddat zajbaat say mugloob ho kar Hazrat Yousuf ka daman bhi pharra tha.”
Captain Rehman ne us ki taraf hairat say dekhtay huay kaha “ Tum yahan rah kar bilkul hi apnay mazhab say duur ho gai ho. Tum ko ye bhi nahi maloon kih Hazrat Yousuf aur Zulikha ka waqiah quran may kis tarah bayan kia giya hay. Darsal Hazrat Yousuf aur Zulikha k dermiyan koi mohabat nahi thi. Zulikha Governor misar ki bewi thi aur wo Hazrat Yousuf ki baypanah khubsurti say bahut mutassir thi . Zulikha ne buri niat say Hazrat Yousuf ko apnay pass bulaya aur un ko ghunah par amada karnay ki koshish ki lakin Hazrat Yousuf jab wahan say bhagay tu pechay say Zulikha ne unhain roknay kay liye un ka daman pakrra lakin Hazrat Yousuf jhatkay say apna daman churra kar bhag gaay jis say un k kurtay daman phat giya tha.”
“lakin ye batain mujh say karnay ka kia matlab.”
“ I love you ­­­­­­­­­­­_________________ .” ( may tumhain baypanah chahiti hoon ) kabhi ye ahsas bhi ho jata hai kih khud say zada tumhain chahiti hoon. apnay say zada tum par itimad hai.”
“ Sirf itna kahna chahiti thi ?”
“ Mujhay aur bhi bahut kuch kahna hai.”
“ Lakin is say phalay meri ek bat par dheyan du. Meray aur tumharay dermiyan koi baqaida rishtah tai nahi hua hai. Sirf itni bat dal de gai hai kih koi rishtah qiam kia jaay.”
“ Ji nahi .” Fakhirah pusht say hat kar Captain Rehman kay samne ek kursi par baith gai. “ Mera imaan hai kih tumharay aur meray dermiyan mangni tai kar de gai hai. Is barri haqiqat say tumhain kabhi inkaar nahi hona chaiay. Tum sirf is bat par parashan ho kih hamaray darmiyan understanding paida nahi ho gi....Aur ham ne ek dusaray ka itimad hasil karnay ki koshish nahi ki. In batoon par sab say phalay mujhay itiraaz hona chahiye tha is liye kih may aurat hoon. Aur kam az kam may in mamlaat may khud ko liberal samajti hoon. Aur apni pasand ko tarjih deyti hoon. ye mamalah bhi in may say ek hai.... Tum say mangni karnay say phalay tumharay mutaalliq meray zahan may bat dal de gai thi. may ne ghar may munfarid soch aur munfarid jazbaat rakhne k bawaujud tumhain qubul kia hay is liye kih insaan ko ek ideal ki talash hoti hai..... aur mera tsawurati lams mujhay ye bawar kara chuka tha kih may tumharay sath achchi zindagi guzaar sakoon gi. Is liye may inkaar ki karri nahi jorr saki aur na ab aysa kar sakti hoon.”

“Agar yih mauzu chherra hai tu may ye kahna pasand karoon ga kih meray liye sirf tumhara razi hona kafi hay.....”
Fakhirah is ko jumla mukamal karnay diay bagair boli. “meray liye bhi tumharay razi honay na honay say garz nahi hai...... ham sab taqdeer k hisaar may qaid hain. taqdeer ka likha koi nahi mita sakta..... rishtai qudrat zaroor takhliq karti hai is liye hamain darmiyan may rorray nahi atkanay chahiye .” Phir wo fauran mauzu badal kar boli. “Any how cold drink laoon tumharay liye.”
“ Lakin phalay may tum say yih mauzu discuss karna chahita hoon.”
“ Kar lain gay sath sath treatment ho to bahut maza aay ga.”
Phir wo uth kar chali gai. Is dauraan Captain Rehman , Fakhirah say guftugu karnay k liye ek hikmat-e-amali waza kar chuka tha..... kuchh deir bad jab is ne cold drink ka phala ghunt lia tu is k zahan may ek bat kaundi.
“Fakhirah tum ne jo batain ki hain ho sakta hay wo theak hoon lakin kia hamaray darmiyan samaji farq nahi hai?”
“Bilkul nahi.” Fakhirah ne jhat say kih diya “ tum yih samajtai ho London may paida honay ki wajah say mera zameer badal chuka hai tu tumhari soch aur approach may wazan nahi hai. Tumhain yih nahi bholna chahiye kih meray bap dada ka taalluq Pakistan say hai...... yih aur bat hai kih may London may paida hui aur pali barrhi lakin is bat par fakhar to hai kih meray andar mashriqi khoon durr raha hai aur is k andar say Pak zameen ki baas aa rahi hai.”
Fakhirah ne yih kih kar Captain Rehman ko lajawab karne ki koshish ki thi lakin is k bareks is ne kaha.
“Mujhay is haqiqat say inkaar nahi ho sakta. Lakin itna to janta hoon is sab k bawujud hamaray darmiyan ek farq pesh-e-nazar hai....... tumhara rahan sahan , tumhara style,magrib ki bayja taqleed , tumhari matlaq-ul-ananiat, aur mazhab say keesi had tak duri meray aur tumharay mabain ek gahra farq paida kar deyne k liye kafi hain.”
“ yih sab to Pakistan k andar bhi paya jata hai.” Fakhirah Captain Rehman say kabhi shikast khana nahi chahti thi. “Gulburg, Defence, Gizri aur Clifton may kaun log hain. Wohi to hain jo itni duur rahne k bawujud europe ki taqleed kartai hain.... tum in ko bhol kar muj par tanqeed keyun kartai ho? Cornbee Street jaysay barray barray fahsion k markaz to Pakistan k andar bhi hain. Tumhain yih nahi faramosh karna chahiye kih Pakistan is waqt kin adwaar may dakhil ho chuka hai. Tumhain Pakistan k andar bhi har gali nukkar may muj jaysi liberal larki ka samna karna parray ga.... sarhadoon may pharah de kar tum Pakistan k andoruni hallaat par kabhi nazar nahi rakh saktai ho kih wahan kia ho raha hai kia hai.....”
Fakhirah aahasta aahasta sanjida ho chuki thi. Captain Rehman ne is ka bharpur muzahara kia tha. Is k bawujud bhi apni guftugu jari rakhi.
“Pakistan may jo kuchh ho raha hai mujhay is say inkaar nahi hai Lakin is guftugu ka taalluq sirf hamari zaat say hai .Tum ne europi mahual may janam liye aur is ki takleed kar rahi ho jabkih may ne mashriqi mahual may jam liye aur may is mahual ki pairavi kar raha hoon.....”
“To phir kia hua mera imaan hai is gahray ikhtilaf k bawujud may tum say mohabat karti hoon. tut kar chahti hoo tumhain.”
Fakhirah ab dubarah romance par utar aai thi. Captain Rehman apni kursi say uth kar is ki kursi ki pusht par aaya aur guftugu ko mazeed talkh kartai huay kaha.
“ Is waqt tum muj say mukhatib nahi ho balkah tumharay andar ka George Sand muj say bol raha hai. Jis k noveloon (novels) ne tumhari soch ko magrabi aqaid ki pairavi k liye majbur kar diya...... may bahtar samajh rakhta hoon kih Sir Captain Mackenze, Sir Winston Charchill, Aldous Huxley, Lord David Sicily, Alexandre Dumas, Charles Dickens aur Gilbert Keith Chesterson k adab say mahfooz ho kar tum kaun sa sabaq duhra rahi ho.”
Is ki bat suun kar Fakhirah muskurai aur uth kar Captain Rehman k rubaru kharri hui.
“ May bhi wo sabaq duhra rahi hoon jo tum Tariq Ismial Sagar, Naseem Hijazi, A. Hameed, Qrat-ul-ain Haider, Bano Qudsiah, Ahmed Nadeem Qasmi aur Ashfaq Ahmed k adab say mutassir ho kar duhra rahay ho..... hamaray nazriyaat ek dusaray say na miltai hoon lakin qudrat ka iltifat hum duno par barabar hay..... is say inkaar goya ALLAH Taala ki qudrat say inkaar hai.
Captain Rehman ne is par koi jawab na diya aur apni kursi par ja kar baith giya. Tab Fakhirah bhi chal kar is k qarib aa kar kursi ka sahara liye ukrun baith gai. “ May tamam ikhtilafaat ko balaay taqq rakh kar tum say muhabat karti hoon Rehman , tum meri sab say barri kamzori ho.... dekho tum ne jis taraah anpnay pasandida writeroon say ikhlaq ka sabaq liye hai is taraah may ne apnay europi writeroon say insaniat aur in par raham ka dars liye hai.”
“ Lakin jo ikhlaqiaat ki dhajiaan bikhair dain wo insaniat par raham ka dars kasay de saktai hain?”


Phir wo Captain Rehman ki taraf bachargi say dekhne lagi. Is dauraan Shaila andar dakhil hui aur Fakhirah ja kar apni kursi par baith gai.
“Bhai itni deir say tum log kis mauzu par batain kar rahay ho.”
Shaila sedehay aa kar Fakhirah ki pusht par kharri hui aur pochha
“ Tum ne Rehman ko bahut mutaassir kar diya hai Shaila.”
Fakhirah ne tanzia andaz may kaha Tab Shaila is k jazbay ko mahsoos kar k boli.
“ Haan yih to aur achchhai bat hai..... yih kam tumhain karna chahiye tha lakin may ne kar dala tu tumhain ab is bat par iteeraz bhi honay laga hai.”
“ Ji nahi , may mahdud zahan ki malik nahi hoon jo keesi bat par iteeraz karoon yih manfi zaviay say sochoon.”
Fakhirah dil hi dil may jal bhun rahi thi.
“ Wasay tum log koi top secret bat kar rahay ho to may chali jati hoon.”
Shaila ne Fakhirah k chahray ko parrh kar kaha.
“ wasay tum jao to achchhaa hai.”
Fakhirah ne is ki taraf dekh kar kaha.
“ Meray yahaan rahnay say qabahat kia hai?”
Shaila ne Fakhirah ko zich karnay k liye pochah .
“ May is waqt Rehman say apni private zindagi discuss kar rahi hoon, tumhari maujudgi mujhay nagawar lag rahi hai. pas tumhain jana chahiye.”
Fakhirah ne musnui sanjidgi ikhtiar kartai huay kaha.
“Wasay Rehman Fakhirah chand batoon may mujh say bahut jalti hai pata nahi keyun.”
Shaila ki bat suun kar Captai Rehman muskuraya jabkih Fakhirah bhpar kar boli.
“ Mujhay zaroot kia hai tum say jalne ki . zara batao to kis bat par jalne lagi hoon may tum say.”
“ Can you tell ?”
“ Any how mujhay sanjidgi pasand nahi hai, tum log batain karo mujhay kuchh zaroori kam hain.”
Shaila uth kar janay lagti hai to Captain Rehman kahta hai.
“Shaila tum baith sakti ho hamray darmiyan , kahan ja rahi ho?”
Shaila is ki taraf murr kar boli “ Fakhirah k kahne par thorri ja rahi hoon... kuchh kam hain meray..... haan yad aaya, raat ko tum South Hall ja rahay ho na?”
“ Ji haan Rehman k sath ja rahi hoon.” Captain Rehman ki bajaay Fakhirah ne kaha “ tumhain picture say dilchaspi nahi hai tu keyun pochh rahi ho.”
“Dilchaspi to khair nahi may sirf Rehman k program k hawalay say janna chahiti hoon.... tumhain kabab banne ki zaroorat nahi. may chalti hoon.’
Shaila, Fakhirah ko hit kar k chali gai.
“ Tumhain sanjida nahi hona chahiye tha.”
Shaila k janay k bad Captain Rehman ne Fakhirah ko mukhatib kia.
“ Shaila k maamlay may, may kabhi sanjida nahi ho sakti, hamari guftugu ka tariqa hi issa hai.”
*******************
Din bhar ka thaka hara sooraj ab kalisaay Notardam k aqab may sirakta ja raha tha. Phir porab ki simt , D’ Boloan may daryaay Sean k saf sahfaf pani may sooraj ka eks jhilmil jhilmil tairta hua nazar aa raha tha. Rafta rafta aasman par sooraj ki balandi may kami waqe ho rahi thi aur bala aakhir wo bahr pekaraan ki wasatoon may guroob ho giya . Tab daryaay Sean k kinaray kinaray urnay walay parindoon may saras, dhnis, harial aur surkhab faza k sukut may barwa ka taassur bakher kar apnay apnay thikanoon may panah guzin huay.
Tab din k ujaloon may sham k sayoon ne musallat hona shuru kia aur yun lahzah ba lahzah har taraf andheray ki chader tun gai.
Jis waqt Captain Rehman tarace k janglay par kharra raat k sukut may Pakistan ko yad kar raha tha usay halki phoaar ka ahsas hua. Phir is k bad musalsal buundain girne lagain. Captain Rehman k chahray par yih qatray oss ki taraah pharr rahi thian. Is ne rumaal nikaal kar chahra saf kia phir anpna rukh morr diya.Tu Shaila is k aqab may mutabassum kharri thi.
“ Lagta hai tumhain phoaar bahut achchhai lagti hai.”
Shaila ne janglay ko pakarr kar aasman ki janib chahra uth kar dekhtai hua Kaha. Is dauraan is ka chahra buundain parrnay ki wajah say aahista aahista tar honay laga tha. Captain Rehman ne is ka zauq ko dekha to wo Naseem Hijazi k novel “ Dastaan-e-Mujahid” ki heroine Nargis jaysa bazauq kirdaar ada karti hui nazar aa rahi thi. Is ne chand lahzoon k liye Shaila ko baguar dekha is k chahray ki jaazbiyat aur aankhoon ki haiyat may Naseem Hijazi ki dusari heroine Azra jaysi naumeed chalak rahi thi aur Captain Rehman khud ko Abdullah k roop may dal kar halaat ki karih nazri say munaggaz nazar aata tha.... Shaila ne bhigay chahray k sath Captain Rehman ki taraf mutabassum nazroon say dekha to is k andar barpa lamhoon k iztirab may phir qiyamat jaysa sama tha.
“ Tum ne meray sawal ka jawab nahi diya.”
Goya Shaila ne Captain Rehman ko iztirab k karb say nikaal bahir kia tha.
“ May is waqt Naseem Hijazi k novel k kirdaroon par gaur kar raha hoon. Insaan apni khoish ka ghulam hai. lakin khoishain insaan k sath wafa nahi kartian aur agar wafa karti hain to insaan ko iztirab k karb say guzaar deyti hain.”
Captain Rehman ab bhi Shaila k hisaar may bandha hua tha.
“ Mujhay malum hai is waqt tumharay andar ka Naseem Hijazi mujh say mukhatib hai.... wasay agar tum ne South Hall jaane ka progam cancel kia hai to mujh say apni private zindagi k mutaalliq discuss kar saktai ho...... may tumharay secrets ko apnay aap tak mahdud rakhoon gi.”
Shaila , Captain Rehman k andar chhupay hua jazab-e-nazar insaan ko tatol rahi thi.
“ May tum say kuchh secrets par zaroor batain karna chahita hoon , lakin is waqt achchhaa hua jo tum ne South Hall jaane ki yad dela de, may ne Captain Ajay Vardha aur Marvi Dikshat say wadah kia hai is liye zaroor jaoon ga.”
Phir is ne kalaai ki gharri may dekha to picture ka time honay laga tha.
“ Phir chalo, Fakhirah bhi nechay tumhara intizaar kar rahi ho gi.”
Jab yih duno nechay jaane k liye aagay barrhay to Fakhirah in k samnay aadhamki aur Rehman ko dekh kar chahak kar boli.
“Oh ho Rehman tum yahan ho, may tumhain nechay dhond rahi thi.... Chalo na late ho gaay hain aur suuno Shaila agar tum ne Rehman ka program change karwaya hai to tumhari khair nahi.”
“ Khuda k liye Fakhirah mujh par aysay shak mut karo..... Shukar karo may ne Rehman ko yad dehani karai hai warna to aagay k program k mutaalliq bhol chuk thay.”
Shaila ne wazahat ki.
“ Shuker hai itna khayal aaya hai to.”
Fakhirah ne tafannun-e-taba k liye kaha. Shaila ne usay ek chapat lagai aur yih nechay chalay gaay. Jab yih log nechay pahunchay to dinning table par khana lagiya ja chuka tha. Time ki kami k bahis Fakhirah khanay k mood may nahi thi jabkih Shaila, Captain Rehman ko bagair dinner Karaay is k sath jaane deyne k liye taiyaar na thi.Tab Fakhirah bhi jal bhun kar dinning table par baith gai. Lakin har bar iztirab k alam may kalaai ki gharri ki taraf dekhti jati thi. Aur is rad-e-amal par har lamhah is k iztirab aur bay kaali may izafa ho jata tha.
Khuda Khuda kar k Captain Rehman dinning table say uth kharra hua. Fakhirah ne Shaila ki taraf gazabnak ho kar dekha, Jis par Shaila muskura kar rah gai aur Fakhirah, Captain Rehman ko lay kar bahir chali gai.
*********************************

Marcedes barq raftari say South Hall ki janib farakh Shahira say guzar rahi thi. Jabkih Captain Ajay Vardha aur Marvi Dikshat South Hall k ek Box reserve kara kar bachani say in ki aamad k muntazir thay.
Fakhirah ki mercedes Shafsbury Avenue ki ranginion may daur rahi thi. Picardilly Chowk ab khasa pechay rha giya tha.... ghar say nikal kar itni taweel drive k bawujud Fakhirah aur Captain Rehman k darmiyan khamoshi tari thi..... Fakhirah ko South Hall pahunchnay ki jaldi thi aur Captain Rehman wasay hi khamosh tha aur dil hi dil may soch rha tha kih South Hall pahunchnay say phalay wo Fakhirah say apnay dil ki bat karay.
“ Rehman talk karo na itnay khamosh keyun ho?”
Ek pull par say guzartai huay Fakhirah ne keesi mood may aa kar Captain Rehman ko mukhatib kia.
“ Haan may chah rha tha tum say bat karoon.”
Captain Rehman ne karwat badli aur wind screen par musalsal nazrain garrtai huay faqat itna kaha.
“ Haan kaho may suun rahi hoon.”
Is ne gair aur accelator par dabao barrha dea . Mercedes ab barq raftari say chal rahi thi.
“May tum say Shaila k mutaalliq bat karna chah rha tha.”
Captain Rehman ne ab baqaida is ki taraf dekh kar kaha.
“ Please Rehman is waqt par bhi Shaila ko hamari talk may involve karnay ki kia zaroorat hai? rahnay du usay.... may usay har waqt bardasht nahi kar sakti.”
Is k sath hi is k chahray par nagawari ki kaifiyyat mandalane lagi thi.... Captain Rehman ne is bat ko gahra nahi liya aur kaha.
“ May tum say kuchh mumkinaat par guftugu karna chahta hoon.”
“ Ji haan zaroor.”
“ Chaloo may ne farz kar liya, hamari mangni ho chuki hai.”
“ Sirf farz kia yih to fact hai.”
“ Chalo aysa hi sahi, ab meri bat suuno.... is dunya may chaha jaay to bahut kuchh mumkin hai aur agar na chaha jaay to kuchh bhi mumkin nahi ho sakta... kia yih mumkin hai kih tum meray liye Fakhirah say Shaila ban jao !!
Yih gair yaqini bat suun kar Fakhirah ne mechaniki andaz may is ki janib dekha to is ne Captain Rehman k chahray aur aankhoon may bim-o-raja ki kafiat mahsoos kian...... usay Pakistan Army ka ek wajih aur naujawaan officer is hallat may keesi khilonay say kam nahi lagta tha. aur kafi duar tak majboor o bakas bhi,
Lakin......
Is sab k bawujud Fakhirah is k mutlatam jazbaat ki passdari nahi kar saki..
‘ May is bat ko apnay liye ana ka masla nahi bannati aur haqiqat to yih hai kih fitraati awamil ko badlana insaan k iktiar may nahi hai. Insaan ek maqsad lay kar dunya may janam layta hai aur is muqsad ko pura karne k bad akhirat sudhar layta hai.... Qudrat k qartaas-e-abyaz par meri zindagi ka jo dagar likha giya hai may is ki pairawi karoon gi. Is liye Fakhirah say Shaila banna meri zindagi ka maqsad nahi aur na may apna mansab badal kar Shaila ka khoal charrha sakti hoon. Mujhay meray apnay pattern par qubul karna ho ga Rehman tumhain..... qudrat ne insaan ko bachargi aur lachargi k liye paida nahi kia. Is k liye rizq aasmaan say aa ta hai, is ki dekh bhaal bhi aasmaan say hoti aur is k liye jorray bhi aasman may bantai hain..... tum meray ho Rehman , tum faqat meray ho. agar tum ne is rishtai say inkaar kar diya tu may samjhoon gi tum mashriqi samaj ki taqleed may khuda ki uburiat ko har taraah faramosh kar chuk ho.”
“ May tum say sirf apni zindagi ka pattern badalne k liye kah rha hoon...... yih pattern insaan ka khud sakhta amal hai aur wo aysay keesi bhi mauqay par keesi aur roop may dhal sakta hai... tum chaho to aysa kar sakti ho Fakhirah.....’
Captain Rehan ne taiaqqun say is ki taraf dekh kar kaha....
“ May apnay pattern ko shadi k bad bhi nahi badal sakti Rehman, tumhain is k bawujud mujhay qubul karna ho ga, aur agar tum ne aysa nah kia to mahrumi ki hallat may ek insaan jaan ka ziya tumharay sir ho ga.... tumhain pata hai islam ne insaan ko hoqooq ul Allah k bad huqooq ul abad ka dars diya hai.... Allah barra Gafoor ur Rahim hai wo hamaray gunahoon ko faqat ek naiki k iwaz bhi muaf kar diay ga lakin huqooq ul abad say khotai ko kabhi muaf nahi karay ga.... tum meray ho Rehman ... sirf meray. “
Is k sath hi mercedes South Hall ki parking may dakhil ho chuki thi. Captain Rehman ko mazeed guftugu ka mauqa nah mila aur wo mercedes par say nechay utar aaya Fakhirah ne darwazay lock kiay aur duno South Hall ki andoruni imarat ki janib cahlay gaay.
Jab wo duno Captain Ajay Vardha aur Marvi Dikshat say mil kar apnay box may aay to film ka baqaida aagaz ho chuka tha.
South Hall der haqiqat Pakistani hindu, aur sikh filmi shaiqeen ka aamajgah ki hasiyiat takhta tha.
Is waqt bhi Hall Pakistanion, hinduoon aur sikhoon say khcha khch bhara hua tha, phir in k darmiyan kuchh urdu film k shaiqeen europian jorray bhi dekhai deytai thay.
Screen par ek Indian film ka ibtadai durania chal raha tha.
Yih film keesi jangi pasmanzar may banai gai thi. jo mukammal taur par Pakistan k khilaf taassub aur zahr gholne par mabni thi. Captain Rehman barray jaber say usay dekhta raha. Jabkih Rajistan k border par banne wali is film ki haqaiq say parda pochi par Captain Ajay Vardha dil hi dil may Sharmindagi se mahsoos kar raha tha.... wo baar baar phalu badal kar Captain Rehman ki taraf dekh raha tha jo bazahir normal andaz may film dekh raha tha.
Lakin.......
Is k dil may film binoon ki kotahandashi aur taassubana zahniat par nafrat ka tufaan-e-bathamizi paida ho raha tha. Is k bawujud is ne zabt ka muzahira kia aur dicipline ko malhuz-e-khatir rakha. Pakistani filmi shaiqeen khasay batuy khatir nazar aa rahay thay. Keyunkih is film k andar inhi k khilaf zahr ghola giya tha. Sath sath hindu aur sikh shaiqeen bhi film ki wajah say kafi satpata gaay thay.
Pakistanion ne maslahat ko peshay nazar rakh kar zabt ka muzhaira kia warna South Hall k andar bhi film ki sharangayzi ki wajah say ek jang chharrne ka imkaan wazay taur par nazar aa raha tha.
Interval may bhi kamoshi rahi....
Captain Rehman , Fakhirah, Captain Ajay Vardha, aur Marvi Dikshat ne bhi khamoshi say cold drink aur burger share kia..... is khamoshi may Marvi Dikshat ko film ki noyiat par kuchh su’jha aur is ne taqriban Captain Rehman aur Captain Ajay ko mukhatib kartai huay puchha
“ Mujhay samajh nahi aati India aur Pakistan ek dusaray say itni nafrat keyun kartai hain?”
Captain Ajay Vardha, Captain Rehman ki maujudgi may is aachanak sawal par satpata giya tha. is ne phalay is ka jawab deane ki jurrat nah ki aur Captain Rehman ki taraf dekha jo cold drink lay raha tha.
“ Keyun Rehman.....?”
Ab Marvi Dikshat ne barah a raast Captain Rehman ko mukhatib kia tha.....
Captain Rehman ko siray say is mauzu say dilchaspi nahi thi. Lakin jo barri haqiqat jaane k liay Marvi Dikshat ne is say jo sawal daga tha is ka jawab dena bhi zaroori tha.... Is ne khud ko normal kia aur hontoon par ek kafeef muskurahat ka taassur paida kia.... Fakhirah ko cold drink laytey huay achchhaay jawab ki umeed may Captain Rehman ki taraf dekhne lagi to usay bahut had tak mutma’in paya....
Captain Ajay Vardha keesi anjanay ahsas ki kashmakash may mubtala apni kursi par burjaman burger kuter raha tha jabkih is ki samatain Captain Rehman k jawab k darpay thian. Jab Captain Rehman ne ek aam sa jawab de kar mauzu ko siray say khatam karna chaha.
“ Wasay hamaray darmiyan koi nafrat nahi honi chahiay.”
“ Yih to may bhi samajti hoon lakin itna batao tum log ( Pakistan ,Hindustan) ek dusaray say itni nafrat keyun kartai ho....?”
Marvi Dikshat ne wazahat ki
“ Kia ham is topic par bad may guftugu nahi kar saktai?”
Captain Rehman ne ab bhi usay talnay k liye kaha.
“ Ji nahi , may Ajay ki maujudgi may tum say apnay sawal ka jawab chahti hoon.’
Marvi Dikshat ne musalsal israr k lahjay may kaha. Tab Captain Rehman ne socha kih is mauqay say faiydah uthtai huay apnay dil ka gubar nikalna chahiye. is liye wo goya hua.
“ tarikh alam ka mutallah batata hai kih musalmanoon ne puri dunya may sola so sal tak hukumat ki hay. is k samnay har barri taqat ne bazor-e-shamsheer nabard azmai ki lakin saphal nah sakay..... yun to sahraay gobi say Genghis Khan aur is k potai Halauko Khan, Mango Khan aur Qubalai Khan ne is tarikh ko mitane ki koshish ki lakin in k andar say hi kuchh aysay ghayyur hukumraan paida huay jinhoon ne dubarah muslim saltanat ko bam-e-uruj atta kia..... Aaj koi riasat, koi quam, koi tahzeeb aur keesi mazhab ko musalmanoon say anaad hai to sirf in ki jah-o-hashmat ki marhoon e minnat hai.... warna is ka illawah mujhay aur koi phalu sujhai nahi deta .... aur rahi Hindustan aur Pakistan ki bat to tarikh shahid hai quam, qabilay, khitai aur reyasatain, tahzeebain aur saltanatain khabi bhi apas may ghul mil na saki hain aur agar chand maslahtoon ki bina par aysa hua hai to riyasatoon k mabain siyasi, mazhabi, mashrati aur saqafti amur may hamesha ek gahra iftiraq raha hai..... Hindustani tahzeeb ne apni bala dasti k liye 1857 k bad bazabta taur par musalmanoon say nafrat karnay ka sabaq liya aur is ka paalan kartai rahay hain.... baresagir k andar rahtai huay haq yih tha kih musalman aur hindu itifaq say apni bunyadi asuloon ki baja aawari kartai lakin hamsayoon ko chorr kar angreazoon say gahra itimaad aur dosti rakh kar unhoon ne muslamanoon k sath jo rawaiya apnaya kih keesi zeshaur ki eqal o idraak say chuhpa nahi hai.... baresagir k andar hindustani tahzeeb k edam itimaad ki wajah say muslaman mujboor huay kih apni alag quami hasiyat k itibar say ek nai reyasat ki jid o jahad ka aagaz karay. Issi jid o jihad may hindustani tahzeeb ne musalmanoon say aur zada nafrat karna sikha aur is k natijay may Pakistan maraz wujud may aaya... Jabkih Hindustan ki tahreek azadi bhi Pakistan k marhoon minnat hai. Lakin is k bawujud unhoon ne pakistan ki alag hasiat ko dil o jan say qubool nahi kia.... mujhay yih bat batatai huay rona aata hai kih 1947 may Hindustan say hijrat karne walay derrh crore musalman mard aurtoon k sath hinduon aur sikhoon ne jo saluk rawa rakha is ki tarikh may nazeer nahi milti..... Ham apnay nazriati tashakhus ki bunyad par Hindustan say alag huay hain aur yih hamarah haq banta tha.... Lakin Hindustan ne is haq ko khabi tasleem nahi kia jis k natijay may unhoon ne 1948, 1965,1971, aur 1984 may Pakistan ki sarhadoon ka garoor rondhne ki koshish ki...... Hamain Hindustan say nafrat hoti to in idwaar may phal hamari taraf say hota .... is waqt bhi Hindustan k andar 14 crore say zaid musalman rah rahay hain lakin hamain yih faramosh nahi karna chahiye kih Hindustan k aayian may aqliatoon ki baladasti k huroof kunda hain tab bhi yih ahd-o-paiman pura nahi hua..... Hindustan ko ham say mohabat hoti to wo ham say muslim aksariyyati ilaqay gudaspur aur amrathsir par kabhi gasibanah qabzah nah karta.... Mahatma Gandhi Sahab say mujhay gila hai to sirf is bat par kih unhoon ne hamray Quaid ko tasweer ka sirf ek ruk pesh kia hai. aur ek ruk say pesh aay hain taqseem bangal aur musalmanoon ki tahreek azadi k iktilaf may khoon ki nadiaan baha kar unhoon ne yih bat wazah ki hai kih musalman in kih rishtadar nahi aur na ban saktai hain..... apnay pechay unhoon ne jo zabtai qiam keay hain is ka paalan kartai hi aaj Pakistan , Hindustan ki shar say ab bhi mahfooz nahi hai.”
Captain Rehman ki guftugu k dauraan Captain Ajay Vardha k chahray par kaey nasheab o faraz aay. Kabhi muskuriya ..... kabhi normal raha aur kabhi sanjidgi ikhtiar ki....is dauraan is ne chand lamhoon k liye Captain Rehman ki taraf phir dehkha phir is k bad is ki nazrain screen par shuru honay wali film par markooz huian lakin is ki sari tawajo Captain Rehman ki batoon par thi.
Captain Rehman ne kuchh tawaqquf k bad anpni guftugu jari rakhi.
“ Pakistan aur is k awam ab bhi Hindustan say nafrat nahi kartai hain. keyunkih ham apnay manshoor k taht zindagi guzaar rahay hain. Hamian is k khilaf apnay dil may nafratain paida karne ki hargiz zaroorat nahi hai. keyunkih ham jaantai hain kih is say hamain kuchh nahi milay ga.... Hindustan ne apni nafrat ka muzahira kia hai ab yih bataiay kih tabahi aur jarhiat ka illawah usay kia hasil hua hai..... Ham dosti k khohaan hain lakin Hindustan ne keesi mahaydeh ka paalan nahi kia hai..... hamaray dil may nafrat hoti to may is waqt tum logoon k darmiyan baith kar yih film nah dekhta.... Ajay khud bata saktai hain kih is waqt hamaray samne screen par chalnay wali film ki haqiqat say kitna taluq hai.. kia yih sach hai kih Pakistani itnay kamzoor hain jo is film may dekhaya ja raha hai.... Rajhistan aur Cholistan k sahraoon may kia hota hai yih sirf ham jaantai. Keyunkih siyasi maslahtoon ka bhait sab say phalay hamain charrhna hota hai..”
“ Goya yih siyasi maslahtain hain.?”
Marvi Dikshat ki tawajo ab film say hat chuki thi.
“ Haan is may kuchh siyasi maslahtoon ka amal dakal hai.... aur dusari taraf Hundustani media apni filmoon k zariay yih bawar kara raha hai kih ham kamzor tareen insaan hain aur nafrat k mustahaq hain.”
Captain Rehman ne tazheek aamaiz andaz may kaha.
“ Pakistan ka media is waqt kia kar raha hai?”
Marvi Dikshat ne pochaha .
“ Hamaray media ko gundagardi, badmashoon aur jinsi kajrawi par filmain bananay k illawah fursat nahi hai kih wo aham aur bunyadi issues par fahiam rakhain.”
Captain Rehman ne dil hi dil may Pakistani film binoon ko koosa phir upar say kaha. “ Hamari media in mauzuat ki tashir nahi karti jis say riyasati iqdar may tafawat paida hota hai. Wo riyasatoon k andar jazbah itihad ko farog dena chahiti hai nah kih nafratoon ko jagana in ka shu’ar hai...warna is kam k liye hamray pass bhi qabil gaur log baithain huay hain.”
Jabkih yih bat kah kar Captain Rehman ko dil hi dil may yih ahsas ho raha tha kih Pakistani media may qabil log hotai to kabhi bhi unhain Border, Mission Kashmir, Refuji, Gadar, Faza aur Hindustan ki qasam jaysi filmain dekhna gawara hota.
Sab say aakhir may Marvi Dikshat ne guftugu ko simattai huay kaha.
“ Haqiqat to yih hai kih bahasiat Hindustani may barasagir k andar du quamoon k wujud ko tasleem karti hoon. Jo Pakistan aur Hindustan ki hasiat say meray samnay hain..... Ab zaroorat is bat ki hai kih duno quamain aapas may infaq-o-itihad aur yagagat k jazbay ko pesh-e- nazar rakh kar apnay asuloon k mutabiq zindagi guzarain. Ajay Vardha k zariay may hindustan k arbab kusha say yih guzarish karti hoon kih wo Pakistan say nafrat ki bajaay mohabat karain..... in ki sarhadoon ko rondhanay ki bajaay anpni had may rahain.... nafratoon say duriyaan barrh jaain gi aur prem sab ko bahut duur say ek dusaray k qarib laay ga...... maujuda duar may duno mumalik atomi hatiyaroon say lais hain ab to duno quamoon ko ek dusaray k mazeed qarib aana chahiye aur siyasat k gorakh dhandoon ko awam par musallat nahi karna chahiye, warna may samajti hoon Pakistani awam ki taraah Hindustan k awam bhi amn-o-amaan k khoaan hain. Jang aur yud ko wo pasand nahi kartai... Hindustan agar apni taqat k zam may keesi ki hasiat tasleem nahi karta to usay yih faramosh nahi karna chahiye kih riyasatoon ka wujud ek taqat k sath janam lata hai . koi bhi riyasat kamzor nahi hoti..... jis taraah America ko heroshema par atom bomb girra kar kuchh nahi mila balkah is jarhiat ne japanion ki tahreek ko jila bakshi aaj wohi America , Japan ki maashi hasiat say ruz afzoon daba hua hai... America ne Atom Bomb say Japan par hamla kia. Japan ne Atom bomb nah honay ki waja say apni maishiat say in ka muqabala kia..... Aaj Hindustan bhi America banna chahay to may samajti hoon aint ka jawab pathar say milay ga...... nafratoon ko mitao Ajay.. Hindustan ko amn-o-amaan ka ghawara bana lo..... yih duar nafratoon ka nahi prem batnay ka hai. Aaj London k andar ham Hindustan , musalman , sikh ek dagar par ji rahay hain to aysa Hindustan k andar keyun nahi ho sakta....? ho sakta hai tum logoon ko mihnat ki zaroorat hai .... sirf mihnat ki”
****************
Intervel k bad keesi ne bhi dhayan say film nahi dekhi. Musalman intervel say phalay uth uth kar ja rahay thay aur yih silsilah intervel k bad bhi jari raha.
Film k iktatam par Captain Rehman aur Fakhirah khushgawar mood may Captain Ajay Vardha aur Marvi Dikshat say ruksat huay thay.
Wapasi par Fakhirah, Captain Rehman say khush ho kar kah rahi thi.
“ Rehman tum ne Marvi k sawaloon ka bahut achchhaa jawab diya hai... tumhari jagah agar may hoti to usay bahut kuchh aur bawar kara deyti kih Hindustani tahzeeb keyun ham say itni mutanaffir hai aur infraadi taur par ham Pakistani kis hasiyat k malik hain.... dekho na kasi kasi sharangaz filmain bana rahay hain.”
Fakhirah ki batain suun kar Captain Rehman muskura rha tha.
Bahir barish ab apnay joban par thi.... sarkain bhig chuki thian... aur raushanioon may mazeed jhilmila rahi thian.....
Jab wo duno ghar pochay to Shaila k siwaay sab so chuk thay.... Darwazay par Shaila ne damaktai chahray k sath in k istaqbal kia tha.....
Raat bhar barish hoti rahi jis ki wajah say faza may kafi khunki rach bus gai thi.. Subh k qarib barish thami to ek na’ay Aftab ki raoshni may pura London nahaya hua lagta tha.
Captain Rehman dinning table par akhbar parrh raha tha kih is k liye phone aaya. ja kar receive kia to dusari taraf Marvi Dikshat thi.
“ Rehman hamarah South End On Sea jaane ka program ban giya hai. Kia tum hamaray sath share kar saktai ho.?”
Aaj k din k hawalay say Rehman ne koi program nahi banaya tha... South End On Sea ka qasbah dekhnay ka usay shawq zaroor tha lakin socha to Fakhirah tabiyat ki karabhi ka bahana bana kar abhi tak soi hui thi jabkih Shaila keesi aham kam k silsilay may Laster Square chali gai thi.... khas taur par Shaila ki edam maujudgi may usay program banana khasa mushkil ho raha tha.
“ Dil to kar raha hai lakin mujhay Shaila aur Fakhirah ki company nahi mil sakti..... Shaila ghar par maujud nahi hai aur Fakhirah ki tabiyat theak nahi hai.’
Captain ne apna khadsha zahir kia.”
“ Yih to koi barra masla nahi hai. Tum infraadi taur par hi hamari company join kar saktai ho. Any how tum dress up ho jao may aur Ajay tumhain wahan say pick kar lain gay.”
Kuchh deir bad Marvi Dikshat aur Captain Ajay Vardha usay lay kar South End On Sea rawana ho chuk thay. jabkih Captain Rehman ne ghar k degar afraad ko apnay janay say bakhaber rakha tha.
“ South End On Sea” ( a seaport in south east Essex in south east England, on Thames estaury ) London say tees mil k faslay par samandar k kinaray ek chhota sa khubsurat qasbah hai... London k Porpole States say bijli ki barq raftar garrian bhi chalti hain aur rastai may aanay walay chhotai chhotai khubsurat qasbaat ka manzar deedni hota hai.
“ South End On Sea” London ka aakhiri qasba hai yahan say aagay wusatoon samandar nazar aata hai. Captain Rehman ne yahan aa kar bahut enjoy kia tha..Captain Ajay Vardha aur Marvi Dikshat ne tasweer kashi may bhi khas taur par usay apnay sath shamil kia tha.... Aur ek du taswerain to Marvi Dikshat ne keesi khas pasmanzar may Captain Rehman k sath akalay bhi khichwai thian aur khichnay wala Captain Ajay Vardha tha.
Dupahir ka khana bhi unhoon ne South End On Sea may khaya aur wapasi par har chhotai chhotai qasbay may rukhtai rukhtai din dhalay London pahunchay..
Marvi Dikshat , Captain Rehman ko is k ghar drop karne ki bajaay seedhay apnay ghar layai . is ne baqaiyda program banaya tha kih Captain Rehman Aaj raat in k haan guzaray ta kih subh saweray Lake District ki jhilain dekhnay ja sakain.
Raat ko Captain Rehman ne apnay naay program k mutaalliq ghar phone kia to bataya giya kih Shaila Laster Square say abhi tak wapas nahi lauti hai. Aur Fakhirah ko influenza ho giya hai...... Fakhirah phone par nahi aai taham Captain Rehman ne is k daddy ko bata deya kih aaj raat wo Captain Ajay Vardha k haan guzaray ga aur subh wo log Lake District ki jhilain dekhnay ja rahay hain.
*******************
Bhjanga, Agan , Sahok, aur Abalta ki chaychahat k sath hi Captain Rehman ki aankh khuli.
Captain Rehman fajir ki namaz parrh k chahl qadmi k liye bahir janay k liye Marvi Dikshat k kamray k darwazay say ho kar bahir janay laga to andar say nat niam ki mudur awazian aa rahi thian.
Oam jay jagdash haray
Sowami jay jagdash haray
Waqt jhnu k sankat
Tas jhlo k sankat
Pal may duur karay
Oam jay jagdash haray
Sowami jay jagdash haray


Captain Rehman lawn tak pahuncha to is k kanoon may Marvi Dikshat ki nat niam k ras ghol raha tha. Is andaz may jab Shaila Surah Yaseen ki talawat karti thi aur is ki taseer is ki ang ang may uthar kar usay sukun ki kicheet say muattar karti thi.
Captain Rehman halki phulki excercise kar raha tha kih Captain Ajay Vardha bhi uth aaya aur excercise may lag giya. Jab duno kuchh deir bad farig ho kar andar aay to Marvi Dikshat “waid” ka mutalah kar rahi thi. Mulazim ne nashta taiyar kia tha is liye wo dinning table par aa kar baithay... mulazim jis waqt nashta tarteeb de raha tha Marvi Dikshat bhi samraan say farig ho kar in k darmiyan dinning table par aa kar baithi.
Kuchh deir bad in ki mercedes Lake District ki janib farratain bhar rahi thi.
Aaj mosam khasa khushgawar tha.
pachchhaam ki janib aasmaan may kahain kahain badal mand la rahay thay baqi itraaf may aasmaan bilkul saf suthra dekhai de raha tha..... Barish ka qatai imkan nah tha.
Jab tinoon Wonder Mere jhil par pahunchay to gadlay pani may kai battakhain chun churaan karti hui nach rahi thian. Wonder Mere ki jhil khubsurti may koi khas hasiat nahi rakhti thi is liye wo yahaan say uth kar Emble Side k khubsurat may chalay aay..... Phir Grass Mere ka purfaza rasta bhi unhoon ne paidal tai kia tha.... Grass Mere ka sarsabz-o-shadab qasba pharroon may gira hua barra dilkash lag raha tha..... Subh ka aagaz tha is liye nah to shore sharaba tha aur nah hi logoon ka zada rash tha.... Marvi Dikshat ne issi rash aur shore say bachne k liye subh subh program banaya tha .....
Deda zaib makanoon aur kalisaoon ka da’imi aks jhil may jhilmil jhilmil kar raha tha.... jhil k wast may barray barray darakhtoon aur bailoon say muziyan ek chhota sa jazirah koi israr pesh kar raha tha.
Jis waqt Captain Rehman aur Marvi Dikshat chaltai huay qadeem kalisa ki patherli emarat k phalu may jhil k kinaray aay to Captain Ajay Vardha Hindustan say aay huay keesi jorray say sharab khanay k qarib batain kar rahay thay. Thorri deir bad wo is jorray ko bhi apnay sath Captain Rehman aur Marvi Dikshat k pass laya. Ibtadai taaruf k bad sab ne kishtiyoon k zariay chhotai jazirah par janay ka program muratib kia.
Kuchh duur ghat par chand kishtiyaan kharri thian. Yih log chal kar wahan aay aur du kishtiyoon may chhotai say jaziray par uthray.
Jazirah jahan gair abad tha wahan keesi israr say kam nah tha..... baland-o-bala darakhtoon, kantai dar jharriyoon aur jangli ghass ki farwani may yih khasa dehshat nak dekhai deta tha..... Tasweer kashi aur ek sarsari jai’zay k bad jab yih log wapas ja rahay thay to Marvi Dikshat k hathoon may itafaqi shugufoon aur jangli pholoon ka ek guchchha tha.
Sooraj dehray dehray aasman ki balandiyoon ki janib mahv parwaz tha.
Faza parindoon ki chahchahahat say labraiz thi..... ird gird chahi hui kamoshi aur khunki may program ka bhaat aur dubala ho giya tha.
Jazirah say wapasi par yih log sedhey Ducottage ki qadeem bartanwi taraz ki emarat may aay..... Marvi Dikshat in sab ki rahnumai kar rahi thi. Jab yih log treat laynay k bad kalisa k phalu may qadeemi qabrustan may aay to har taraf wirani chhai hui thi.
Is qabrustan may wo sirf ek namwar shaksiat ko achchhaay andaz may jantai thay.
Words worth......!!
Jis ne angrazi adab may rumani sha’iri ko farogh diy kar namwar haisaiat hasil ki. Jab saray log chal kar is ki qabar par aay to tafakhur aur khushi ka ek taassur in k diloon may jaguzin ho giya tha.
Marvi Dikshat ne shugufoon aur pholoon ka guchchha Words worth ki qabar par sangay marmar k kutbah k phalu may rakh diya ..aur phir yih log wapas laut gaay.
Jhil say mutasal sarak par ab traffic zor shor say chalnay lagi thi.
Degar mulkoon say aay huay saiyyahoon say ab Grass Mere ka qasba taqriban bharnay laga tha. Camping ka aagaz ho chuka tha aur har taraf gahma gahmi ka alam tha.
Grass Mere ki faza ab bahanggam shor say bhar hui thi.
Jis waqt kalisa k minaar par lagay gharryal ne ton ton ka aagaz kia to Marvi Dikshat ki mercedes wapasi ka safer tai kar rahi thi.
Dupahar ka khana unhoon ne London k ek aur five star hotel may khaya aur phir Marvi Dikshat Captain Rehman ko is k ghar drop kar k chali gai.
Jis waqt Shaila apnay kamray may janay k liye murri usay Captain Rehman drawing room may tv k samnay baitha hua nazar aaya...... wo apna irada badal kar drawing room may aai.
“ Tum kab aay Rehman”
Wo is k samnay baith gai.
“ Abhi kuchh hi deir ho gai hai.... tum kaysi ho?”
Captain Rehman ne pochha .
“May theak hoon... wasay I am sorry Rehman , kuchh zaroori kagazat ki wajah say may Laster Square chali gai thi. Umeed nahi thi late ho jaoon gi is k bawujud late ho gai. I am really sorry kih tumhain company nahi dey saki.”
Shaila ne mutasaf bharay lahjay may kaha.
“ Koi bat nahi, mujhay tumharay kamoon ka bhi to andaza hai.”
Captain Rehman ne gahra sans lay kar kaha.
“ Fakhirah ki wajah say bhi mutmain thi lakin ain waqt par usay bhi bhanay mil jatai hain.. By the way tumhara program kasa raha?”
Shaila ne kaha.
“ Program bahut achchhaa raha, Marvi Dikshat aur Captain Ajay Vardha ne achchhai company de.... tum aur Fakhirah may ek sath hota to program may aur zada dischaspi bharti.’
Captain Rehman ne kaha.
“ Mujhay tumharay program ka pata nahi tha warna aadhi raat ko bhi wapas aati.... Ab may Fakhirah par kabhi depend nahi karoon gi.”
Shaila ne ek naay azam k sath kaha.

********************
Aglay tin char ruz bad jab Captain Rehman aur Shaila Hyde Park say wapas aay to Captain Rehman k liye Marvi Dikshat ki taraf say ek pagham maujud tha.
Raat ko usay dinner par bulaya giya tha....yih Captain Ajay Vardha k liye Marvi Dikshat ki taraf say alwidai dinner tha keyunkih is ne dusaray ruz wapas Hindustan jana tha.
Yun to Marvi Dikshat ne Fakhirah k sath Captain Rehman ko dinner par madu kia tha lakin Shaila ki gahri khoish thi kih Captain Rehman k sath yeh Company bhi enjoy karay. Ek to wo apnay sakt pardey ki wajah say majboor hui aur dusari taraf Fakhirah usay apni jagah par bhajnay k liye razi nah hui.
Captain Ajay Vardha k liye alwidai dinner may Marvi Dikshat k ghar k sabhi afraad maujud thay. Yahan tak kih aaj in ki super star actress bahan bhi dinning table par jalwa afrooz thian. Magrabi tahzeeb ki dildadah mini skirt may malbuos wo bilkul Marvi Dikshat ki bahan nahi lagti thi. Jis ne Oxford University ki azad fazaoon my bhi khud ko parm dharm k asuloon may qaid rakha tha..... is par nah to Hindustani culture ne asar kiya tha aur nah hi magrabi tahzeeb is par hawi ho chuki thi.
Dhram ki sarkasha k liye wo apnay sharer ka balidaan denay ko taiyaar thi. Is ki bahan tamam tar aasaishoon aur ha’shar samanioon k bawujud ta deir k liye ek shohar say mahroom thi jabkih Marvi Dikshat magrabi tahzeeb may rah kar Hindustani society k Captain Ajay Vardha jaysay wajih aur a’sul parast insaan ko apnay liye pasand kar chuki thi jo Sharab ki janib aankh utha kar nahi dekhta tha. Is liye wo apnay intikhab par hameshah fakhar karti thi.
Marvi Dikshat ki bahan is k phalu may aur Captain Rehman k bilkul samnay baithi hui thi... Captain Rehman ne mahsoos kiay bagair kasay rah sakta tha kih issi larki ne Pakistan k kilaf du filmoon may nihayat aham role ada kia tha. Aur pakistan hi k kilaf khud bhi ek film produce karne k haq may thi.
Wo bat bat par Captain Rehman ki janib dekh kar muskurati thi lakin Captain Rehman ne usay apni tuwajoh ka markaz nahi banaya. Fakhirah dil hi dil may is ki harkaat-o-saknaat ko note kar rahi thi.
Dauraan guftugu jab mauzu Captain Rehman aur Captain Ajay Vardha k profession par shuru hua to actress Reya ko phali bar Captain Rehman say bara e rast bat karnay ka mauqa mila.
“ Wasay mujhay ek Pakistani Officer say milnay ka barra ishtiaq raha hai..... May yih bat keesi samandh k hawalay say nahi kah rahi hoon jabkih apnay profession k hawalay say in say kuchh malumat leyna chahiti thi.”
Is ki bat suun kar Captain Rehman muskuria aur kaha.
“ Wasay hamaray mutaalliq malumat to Ajay Vardha bhi de sakta hai.”
Malumat say meri muraad yih thi kih may is ki personal zindahi k phaluoon ko jaana chahiti hoon.... keyunkih anqarib may khud ek film produced karna chahiti hoon.”
Actress ne wazahat kartai hua kaha.
“ Wasay aap logoon ko ham Pakistanion k kilaf filmain bananay ka bahut shawq hai aur aap ki ek du filmain dekh kar shiddat say mujhay is bat ka ahsas ho giya hai kih aap logoon ne hamesha tasweer k ek ruk par guar kia hai... aglay insaan k mutaalliq sirf qiyas hi kia hai kih wo buzdil hai aur kamzor hai. Any how , mujhay is bat par qataan itiraaz nahi kih aap film produce karain lakin itni guzarish hai kih Pakistan itna kamzor nahi hai. jitna aap ne apni filmoon may dekhaya hai aur dekhain gay...”
“ Wasay aapa aap ko ishtiaal angaz filmain produce nahi karni chahian. Aap ne jo pichhli de hain in ko sign nah karnay k liye may ne aap say bar’ha takeed ki thi..... mujhay Rehman ki batoon par is liye itifaq hai kih koi bhi insaan buzdil nahi hot aur koi bhi reyasat kamzor nahi hoti jo aap log apni filmoon may dekha kar nafrat ko farogh diy rahay hain.”
“Relax Marvi, ham filmi dunya k log hain yahan sab kuchh jaiz hai....’
Actress ne muh saf kartai huay kaha.
“ Tum har bar meray itiraaz ka yihi jawab diya hai... by the way Rehman tumhain Reya ki batoon ko gahra nahi layna chahiye. Is liye kih filmoon k log khayali hotai hain aur yih keesi k kuchh nahi lagtai.... in k nazdeak zindagi k sirf chand phalu qabalay guar hain..... Izzat, Shaurat, aur Daulat.... lakin may samajti hoon ham har taraah in say achchhai zindagi guzartai hain... sakoon say, itminaan say, balakauf ek mukamal zindagi, ham mutahamil zindagi guzartai hain aur yih log aay ruz naat naay khwaboon k iztirab may zindagi ki asal rahatoon ko bhol jatai hain.’
Actress Reya ne Marvi Dikshat ki guftugu ka asal ruk mahsoos kar liya tha is liye khasiyani mukurahat hontoon par saja kar kamosh rahi is dauraan is ka mobile baja. Is ne mobile suuna aur phir sab say mazarat kar k dinning table say uth kar chali gai.
**********************

Jis waqt Captain Ajay Vardha aur Captain Rehman ek dusaray say ruksat honay k liye galay milay aur jab ek dusaray ki janib musafah k liye hath barrhaay to Marvi Dikshat ne khushi k jazbat say kaha.
“ Mujhay tum duno ki dosti par fakar hai. Aur is sambandh ko dekh kar mujhay yun mahsoos ho raha hi jaysay may ne Pakistan aur Hindustan ko ek dusaray k liye lazim-o-malzoom kar diya ho.... yih dosti nahi tutni chahiay Rehman aur Ajay may tum say bhi yihhi umeed karti hoon Rehman ko zindagi k keesi morr par nahi bhoolo gaay aur yih bhi mumkin hai kih ham Hindustani Captain Rehman k zariay hi Pakistan ka dil jeeat lain aur du bahtareen hamsayoon ki taraah ek dusaray ka bahtar khayal kar k shanti aur inti ko farogh diy saktai hain.”
Captain Rehman aur Captain Ajay Vardha, Marvi Dikshat ki bat suun kar ek dusaray ki taraf dekh kar muskuray aur asbaat may sir hila kar is ki bat par saad kar liya.
“ Wasay is bayloss dosti ko pesh-e-nazar rakh kar may bhi ek bat kahyna chah rahi thi.” Fakhirah ko bhi soojha aur ab is ne baqaiyda Captain Rehman aur Captain Ajay Vardha ki taraf dekhtai huay kaha “farz karain keesi bhi muhaz k andar tum duno ka samna hua tu kia is waqt dosti ko kitna aziz rakho gay.?”
Goya Fakhirah ne yeklakht duno fauji officeroon ko shsh-o-panj may dal diya tha.
Captain Ajay Vardha ne haklaa kar Captain Rehman ki taraf dekha aur kaha.
“Is ka jawab Rehman achchhaa diy ga.”
Phir Fakhirah aur Marvi Dikshat ne taiqeen aur hoslah afza jawab ki umeed may Rehman ki taraf dekha.
Wasay is ahsas mauqay par is ka jawab ne pochaha jaay to bahtar ho ga.”
Captain Rehman ne keesi maslahat ki bina par talna chaha.
“ Ab to is sawal ka jawab panay k liye mujh may bhi dilchaspi paida ho gai hai... kafi suspence paida kia hai is sawal ne.”
Marvi Dikshat ne kafeef si muskurahat ushal kar kaha. Tab Captain Rehman ko ahsas ho raha tha kih tamam tar maslahatoon k bawujud in k sawal ka jawab dena zaroori ho giya hai..... jabkih is ka jawab Rehman k sir thop kar Captain Ajay Vardha khud ko side kar chuka tha. jabkih wo yih bhi mahsoos kar raha tha kih Fakhirah aur marvi Dikshat is say hoslah afza jawab ki umeed rakhtai hain... halankih wo in ki umeed puri karnay ka muthamil nahi ho sakta tha. Tab tamam mushkillat k bawujud is ne kaha.
“ Wasay dosti hamara infraadi jazbah hai... mumkin nahi hota kih profession k samnay dosti ki itni hamiat rah jaay.......Aur agar itifaq say bhi may aur Ajay ka keesi muhaz par amna samna hota hai tu meray khayal hai ham duno ko wohi karna chahiye jo hamari duty ham say taqaza karti hai...”
Marvi Dikshat sab kuchh samaj chuki thi. Usay ahsas tha ek officer apnay munsab ka kitna palan karta hai is liye is ne apnay chahray par itminaan ka taassur paida kia.... halankih wo tawaqqu rakhti thi kih duno dost profession k andar bhi dosti ki laaj rakhain......
Jab Fakhirah aur Captain Rehman garri may baithnay lagay to Marvi Dikshat, Captain Rehman k samnay Captain Ajay Vardha say mukhatib ho kar boli.
“ Ajay, may Rehman ko keesi bat par force nahi kar sakti..... mujhay tum duno k zariay Pakistan aur Hindustan k mabain barpa ikhtilafaat aur kadurtoon k khilaf ek barri yud larni hai is liye tum say ek guzarish karti hoon kih zindagi k keesi morr par Rehman ko apna dushman tasawur nah karo.... may tumhain gaddari k liye aamada nahi karti jabkih yih samjhana chahiti hoon kih ek dusaray k kilaf mud aur yud barpa kar k tum logoon ko sarhaddon ki taraf dakhalna siaysi awanoon may honay walay gorakh dhandeh hain in k bhait charrhnay say bahtar hai insaan dosti ko farogh diya jaay.. par matama ne hamay yud k liye paida nahi kia balkah ek aham maqsad k liye paida kia . hamaray samnay jo kuchh ho raha hai yih raaj sangah’ain k budya hai. aur tum log is ka ek act ho... Is may tumhara koi mafaad nahi hai. Motiyu k bad dheraj bandhani k liye char takay mil jaain gay. Aur is k bad tumhara act katam ho jaay ga.... Any how may apni bat lambhi karni nahi chahiti.... sirf tum logoon k liye yih mukh hai kih tum hamaray liye du dost bahut achchhaay lagtai ho.”
Jab Captain Rehman aur Fakhirah rukhsat ho kar chalay gaay to Marvi Dikshat dil hi dil may is tafakhur aur mahubat say labraiz thi kih Captain Rehman k zariay ek quam tak yih pagaam bhaij chuki hay kih wo yud k kilaf hai. Aur shanti ki khugar hai. Aur sansar ki kamiyabi hi amn-o-aman may muzmir hai. Insaaniat say nafrat is ki apdaish nahi hai balkah daish may prem ko farogh dena is ka kartavi hai.
Aglay ruz jab Captain Rehman aur Shaila Soho say wapas aay to malum hua kih Captain Ajay Vardha Hindustan ja chuka hai..... Is k bad Marvi Dikshat ko jab bhi mauqa mila Shaila k ghar aati rahi.
*********************************
Din phalay ki nisbat zada taiz raftari say guzar rahay thay.
Aur ab to Captain Rehman ko itni jaldi din guzarnay ka ahsas bhi nahi ho raha tha. Aur yih ahsas bhi nahi hua tha kih apni chutiyoon ka baishtar hissa London may guzar chuka hai.
Jis ruz Fakhirah k sath soho k Windmill Theater say wapas aaya is k chand minute bad hi Pakistan say is k liye phone aaya..
“ Rehman ab wapas bhi aa jao...”
Dusari taraf say jab is ki ammi ne itna kaha to usay ahsas hua kih usay wapas bhi jana hai. Aur waqt k jhamiloon may parrh kar wo is bat ko bahut had tak farmosh kar chuka tha..... is ki ek wajah Fakhirah say barrh kar Shaila ki rafaqat ka pesh khima tha.
London may Rehman k dil bhar chuka tha is liye is ne apni ammi ko chand dino bad aanay ka yaqeen dilla kar phone band kar diya.... sab ko yih bat malum ho chuki thi kih Captain Rehman anqarib janay wala hai to taqriban sab ko hi is bat par dukh tha. Is dukh ka izhar unhoon ne infraadi taur par Captain Rehman say kia tha.
“ Mujhay tumharay janay ka bahut dukh hai Rehman.
“Is ruz Captain Rehman apnay bedroom may aa kar sonay laga tha kih Fakhirah ne is k bedroom may aa kar apnay dukh ka izhar kia.
“ Mujhay keesi nah keesi ruz to zaroor jana tha.”
Captain Rehman ko char-o-nachar uth kar Fakhirah ko company deni parri.
“ Mashriqi samaaj ki had bandiyoon aur taqleed ne hamay ek dusaray ko zada mahsoos karnay ka mauqa nahi diya. Bus may George Sand ki perokar honay k bawujud sirf itna kah kar rah gai hoon kih mujhay tum say haqiqi muhabat hai. Aur is muhabat ko kabhi chohnay, mahsoos karnay aur parakhnay ka mauqa nahi mila. Mauqa to mil jata lakin is k liye tumhain George Sand ka perokar banna parta lakin is bat k liye kabhi taiyaar nah hotai....” Phir wo Captain Rehman k qarib bed par aa kar mazeed boli. “ tum Pakistan ja kar meri judai mahsoos karo gay Rehman.... aur agar judai mahsoos kar k is bat par israr kar saktai ho kih ham duno jald az jald ek dusaray k liye lazim-o-malzoom ho jaain.... warna jazbaat ki sarhadain barri khattar nak hoti hain.... may har sarhad ko phalangtai huay aur har bandish ko torrtai huay insaani had bandiyoon say tajawoz karoon gi.”
“ Tum har waqt George Sand ka rafiq aur laghv falsawa jharrti rahti ho.”
Captain Rehman ne nagawari say kaha.
“ Kia karoon, tum say muhabat jo karti hoon.”
Fakhirah ne bay iktiar kah diya.
“ Lakin tumhari muhabat ka koi mansab nahi hai.... koi imaan nahi hai aur nah koi jaan hai.”
Captain Rehman ne kaha.
“ Rehman may tum say kah chuki hoon, mujhay tum say muhabat karnay say mahsoos karnay ka mauqa nahi mila warna bata deyti kih muhabat ka concept mujh say zada koi bahtar nahi janta.....tum chaho to may bata sakti hoon kih meray samnay muhabat k du phalu hain.... sirf du phalu phir kahian ja kar yih du phalu chand phaluoon par mushtamil ho jatai hain.”
“ Lakin mera idraaq to kahta hai muhabat k phalu nahi hotai darjay hain.”
Captain Rehman ne usay tokna chaha.
“ Meray nazdeak darjay phaluoon say phottai hain aur phir yih chand aur darjaoon may muntaj ho jatai hain... jis taraah khoon jisam k ek hissay say nikal kar muktalif dharoon may bhahta hai issi taraah piyar k jazbay sabhi phaluoon say janam lay kar darjay ki hasiat rakhtai hain.....’
Fakhirah ne keesi baybaqi say mudallal jawab diya.
“ Goya tum milaan say muhabat k phalu ya darjah tak abhi ponchhi ho.”