Novel Part-3

Captain Rehman, Fakhirah k sath guftugu may gair yaqini taur par dilchaspi laynay laga tha.
“ Milaan say muhabat tak ka safer bahut taweel hai is liye yih taweel safer sirf aur sirf darjah ka muqaam rakhta hai.... amuman tum ne suuna ho ga dil-o-demag ka milaan... meray nazdeak yih ruzmarrah zindagi ka ek aam sa phalu hai jo piyar ko janam deta hai jabkih piyar khud ek jazba hai....... aur jab piyar ek darjah rakhta hai to yih tasleem karna parray ga kih milaan bhi ek darjah hai.... lakin yih aam say darjay hain. Khas darjaoon ka haqiqi aur bunyadi aagaz muhabat say hota hai..... phir muhabat k du phalu hain...jismani muhabat aur ruhani muhabat, jismani muhabat k sirf chand hi phalu nahi balkah ruhani muhabat k du darjay hain. Ishiq aur junoon.... log kahtai hain ishiq la hassil hai. Lakin meray nazdeak in ka qusur har taraah say nich aur kamzoor hai. Ishiq samandar ki taraah khamosh aur gahra hai.... ishiq say insaan ko khuda mil jata hai.....Jab insaan ishiq may doob jata hai to jonoon ki sarhadoon k qarib pahunchta hai... tumhain tasleem karna ho ga Rehman ishiq ruhani iltifat ki akhiri had hai. Aur har jazbay say barra jazbah hai....... aur jab insaan jonoon k hissar may dakhil hota hai to usay phir qudrat ki taraf say mothrekiat atta hoti hai usay wajdani kaifiyyat say nawaza jata hai aur phir sab say barri wajdani aur mawari taqat k israr say muziyan bahut had tak mafauqul fitrat insaan ka roop dhar layta hai.... qudrat k israr insaan ki idraak o dastaras say mubarah hain Rehman.... aur kabhi kabhi mujhay ahsas hota hai kih tumharay liya may in israr ka aham hissah hoon.”
“ Lakin meray sath bartao aur rawaioon say may yih andazah kabhi nahi laga sakta kih meray liye tumharay dil may muhabat ka ek jazbah bhi badarjah itam maujud hai. jabkih meray ek aur siahi afsana nigar k mutabiq muhabat ek lafani jazbah hota hai aur yih jazbah jab keesi say istawaar hota hai to insaan rafaqat ka muhtaj hota hai.”
“ may tumhari rafaqat ki muhtaj hi to hoon Rehman ... bat phir issi phalu par aati hai kih hamay ek dusaray say muhabat karnay aur mahsoos karnay ka mauqa nahi mila...... Kaash ham may ek dusaray k dil may utarnay , jhanknay aur jachnay ki qudrat hoti.... Aa Kaash tab may bata deyti kih tum say kitni muhabat karti hoon.. Balkah ab tu tumhari judai may, may jonoon ki had tak bhi chali ja sakti hoon.... tumhain pata hai Rehman junoon ki had k bad insaan k samnay du rastai hotai hain jaza ka rasta aur fana ka rasta.... jab say tumhara tasawwur kia hai apnay samnay jaza ka rasta paya hai.’
“ Is sari guftugu ka sara nichorr Fakhirah itna hai kih ham ek dusaray k liye paida nahi huay hain. Mujhay tumharay zabtah aur tassawuray hiyat say bilkul itraaz nahi hai. Lakin may ne zindagi k mutalliq ek naya khwab dekha tha aur ek naya khwab lay kar yahan aaya hoon... tumhain pata hay khwab insaan k darina sathi hain.. naay rastoon aur nai manziloon ki nishandehi kartai hain aur kabhi kabhi rahnumai bhi farmatai hain.... mujhay jis taraah jabrun is rishtai k sath bandha giya tha issi taraah tumhain paraknay samajnay aur mahsoos karnay k liye bhi majboor kia giya tha lakin in tinoon phaluoon par bahut gaur karnay k bawujud bhi may tum ko wo nahi paya jis k mutalliq mujhay yaqeen mukam k sath bhaija giya tha.”
“ Shayad tumhain Shaila ne mutassir kar diya hai.”
Fakhirah ne pur’israr andaz may Captain Rehman ki taraf dekha . jis k chahray par sanjidgi howayda thi.
“ Is ne mujhay mutassir nahi kia balkah apnay azam , jazbay aur iradey par datnay ka sabaq diya hai. Is ka bad may is say mutassir ho chuka hoon.”
Captain Rehman ne wazahat k andaz may kaha.
“ Wasay tum meri muhabat par thorra bahut yaqeen kar saktai ho.”
Fakhirah ab bhi naumedd dekhai nahi deyti thi.
“ May ne tumharay dil may jhank kar nahi dekha hai, ho sakta hai tumhari muhabat kamil ho lakin infraadi jazbay par imaan lana ya na lana is k samnay hattiyar dalna meray asuloon k kilaf hai... tum yih samjho meray dil may dosti ka jazbah zaroor hai tum bhabi ki bahan k rishtai say jo bhi lagti ho mujhay wo hasiat bhi pasand hai.”
Captain Rehman ne kaha.
“ Goya tum ne sedhey alfaz may kah diya kih tumhain meray wujud say hi nafrat hai.”
“ Ji nahi..... mujhay sirf jabrun qaim kiay gaay rishtai say itraaz hai.”
Lakin yih bhi mumkin ho sakta hai is rishtai say inkaar karnay k bad tum glamourgi mahoal ki aysi larki milay jo Marvi Dikshat ki film star bahan Reha say barh kar namwar aur communism ki parchar karnay wali ho. Tab tum kia karo gay?”
“ Tum ne yih kasay khayal kia kih jab mujhay tumharay life style par itraaz ho sakta hai to communist ko apna rishtaidar k’say bana loon.”
Fakhirah ne is ka jawab suuna aur kuchh kahay bagair uth karri hui.
“ Kia tum meray liye Shaila ban sakti ho?”
Captain Rehman ne is ki dil azari ko mahsoos kartai huay kaha.
“ May ne phalay bhi kaha hai ab bhi kahti hoon, may is khadshay say Shaila kabhi nahi ban sakti kih tumharay sath mera rishta tut jaay ga...... ya tut chuka hai to dubarah jurrnay k imkaan ko pesh-e-nazar rakhkoon ..... yih a’na ka khail nahi hai Rehman, insaan ko is life style may jenay ka haq hai jis k liye wo apni fitrat ki tarbiat karta hai.”
Fakhirah ne apnay azam par datt kar kaha.
“ Goya tum Shaila nahi ban saktian.....?”
Captain Rehman mukamal itminaan chahita tha.
“ Ji han, may Shaila nahi ban sakti aur na bannu gi.”
Fakhirah bazid rahi.
“ Tum a’na parast ho Fakhirah.”
“ Tum jo ji may aay kaho.”
“ Mujhay afsoos hai kih tumhain qubul nahi kar saka.”
Fakhirah ne mazeed kuchh nahi suuna aur chahlakti aankhon k sath bahir chali gai.. Captain Rehman ne baja taur par is ka karb mahsoos kia tha.
Lakin......
Is k pass tasalli-o-tashafi k alfaaz nahi thay.... wo Fakhirah k karb k liye apnay mustaqbil ki khushioon ka gala ghaunt nahi sakta tha. is liye apnay dil may hamdardi k jazbay ko jagah na de.

*************************
Phir wo khud ek anjanay karb may mubtala ho kar utha aur chaltai huay darichay k qarib aaya.... puri kianaat tariki ki dabir chadar may malfuf thi aur har taraf khamoshi tair rahi thi..... wo kafi deir darichay k samnay kharra raha aur phir ek kafeef si chaap suun kar pichhe murra to Fakhirah dubarah is k kamray may maujud thi. Captain Rehman apni jagah kharra raha jabkih Fakhirah aahista say chal kar is k qarib aai. Captain Rehman istifhamiyyah nazroon say is ki taraf dekha wo boli
“ May yih batanay aai hoon kih tumharay inkaar say mujhay koi dukh nahi hai, dukh bhi kyun ..... may Fakhirah jo nahi hoon.” Phir yih batatai huay wo khasi mutmain thi aur is k hontoon par pur’israr muskurahat khail rahi thi.... jab wo itna bata kar janay k liye wapas murri to usay ek khayal aaya aur is ne dubarah Captain Rehman ko bawaar karaya “ Mera nam Fakhirah nahi hai Rehman, may Shaila hoon, aur yeh sab ek drama tha.” Is k bad wo ek second k liye bhi Captain Rehman k samnay nahi kharri rahi aur usay shsh-o-panj may mubtala chorr kar chali gai.
Captain Rehman k bed par latene k bawujud wo makhmasa hal nah ho saka.
Tab wo sochnay laga kih Fakhirah aur Shaila k is drama k pasmanzar kia ho sakta ho?”
Baz lamhay sochtai sochtai usay yih umeed bandhti thi kih Kaash Fakhirah Shaila hi hai aur Shaila , Fakhirah.
Lakin.....
Usay is bat par umeed bhi nahi ho sakti thi kih wo keesi masnui dramay ka koi aham kirdar ho sakta hai..... wo keesi ek frad k samnay khilona to ban sakta tha lakin ek puri family k darmiyan haqiqat may is dramay ka aham role ada karna usay na’mumkin lagta tha.
Issi kashmakash may usay raat bhar bahtar nind ne aa saki.
Subh jis waqt is ki aankhain khumar aalud honay lagian to Shaila ki awaz may Surah mubashir ki talawat is ki samatoon takranay lagi.... Tab char-o- nachar uth kar is ne fajir ki namaz ada ki. Is k bad nah usay sonay ka mood bana aur nah hi excercise k liye dil karnay laga.
Wo kafi deir yun hi bed par layta raha.... jab wo raat ki guftugu par gaur karnay laga to usay sab kuchh khayal aur daqianusi lagta tha. Phir Fakhirah ki awaz par sochnay lagta to usay wo bhi keesi dhakhosalay say kam nahi lagta tha.
Issi zahni karb k bad is ne faisala kia kih is mauzu par dubarah nahi sochay ga aur jald az jald yahan say janay ka samaan karay ga.
Kafi deir wo muktalif sochoon may madgham raha tha kih Shaila bedtea k sath is ka kamray may aai . chae ka cup Captain Rehman ki nazdeaki table par rakh diya aur jab ja kar karrki k pardeh hatadiay to kamray may subh k noor phal giya.
“ Tumhari tabiyat keesi hai.?”
Shaila ne dubarah is k qarib aa kar ek kursi par baithtai huay pochah .Aaj wo halkay nelay rang k suit may barri dilkash malum ho rahi thi. Aur chairah bhi mamul say zada gulab ki pankhrri ki manind khila khila aur had darjah khubsurat aur bashshat say labraiz malum ho raha tha.
“ May theak hoon lakin raat bhar nahi so saka hoon.”
Captain Rehman ne chae ka cup uthatai huay kaha.
“ Kia ghar walay yad to nahi aay?”
Shaila ne tafannun-e-taba k liye muskurah kar kaha.
“ In ki yad yaqini bat hai lakin sal bhar muktalif muhazoon par rahnay k bawujud in ki yad itni aasani say nahi.....” Phir wo bat badal kar keesi qadar sanjidagi say bola . “ May kuchh aur sochta raha hoon Shaila.”
Jab Sahila ne barayrast Captain Rehman ki ankhiyoon may jhanka to is ki surk numa aankhoon say mahsoos hua kih waqiah wo raat bhar soya nahi hai aur is k dil may keesi jawadani kaifiyyat ka raaz sir basta hai.
“ Raat ko Fakhirah yahan say khasi late nikli thi shayad is ne tumharay aaram may khalal diya ho ga.”
Shaila ko gumaan honay laga.
“ Nahi Shaila. Raat bhar may sirf yih mahsoos karta raha hoon tumhain Fakhirah say Shaila bannay aur itna barra drama play karnay ki zaroorat kia thi.”
Shaila is ki bat suun kar taqriban chonk gai thi.
“ Yih tum kya kah rahay ho Rehman.... k’say mumkin hai kih may itna barra drama karoon aur wo bhi kyun?”
Shaila keesi qadar sanjidagi say goya hui.
“ Tum ab bhi drama kar rahi ho, dekho Shaila balkah Fakhirah tumhain ab mazaaq nahi karna chahiay, may is mamlay may sanjidah hoon . mujhay achchhai taraah malum ho chuka hai kih tum Shaila nahi Fakhirah ho..... Kya yih sach hai na ?”
Phir is ne barayrast Shaila ki taraf banazar gha’ir (deep) dekha......
“ Wo.... o.... darasal....”
Shaila haklanay lagi
“ Tumhain batanay may harj kya hai Fakhirah.... ab to may wasay bhi ja raha hoon.... agar tum ne is rishtai ko napasand kar k yih drama kya hai to muhjay tumhari khushi aziz hai.”
Captain Rehman ne is k chahray k tasuraat parrh kar kaha.
“ Bat aysi nahi hai Rehman.... yih drama muhaz ek mazaaq tha. Agar is say tumhari dil azari hui hai to may maufi chahiti hoon balkah sharminda hoon kih hamay aysa nahi karna chahiay tha.... yih sach hai kih may Fakhirah hoon aur yih play Shaila ka taiyaar karda tha.... may is k haq may bilkul nah thi lakin is may ghar k degar afraad bhi shamil thay is liye majboor ho gai.... may sab ki taraf say maufi mangti hoon.”
Fakhirah ne aakhir ka’ar ek barra raaz afsha kya.
Is inkashaf par Captain Rehman ka dil khushi-o-imbasat say labraiz tha. Aur wo is khushi ka izhar nahi kar pa raha tha lakin Fakhirah ki wazahat par bazahir itna hi kah diya.
“ Mujhay is bat par koi dukh nahi hai balkah is bat par haraan hoon ab tak drama haqiqat k bahut qarib tha aur act karnay walay kirdaroon ne bhi barri sanjidagi ka muzhaira kya hai.”
Is ki bat suun kar Fakhirah muskura kar rah gai. aur ab Captain Rehman barri khushi, itminan aur sakoon say chae k ghaunt lay raha tha.... jabkih is k sath nibha k tasawur may bahut aagay tak chali gai thi.
********************************

London may ab wapasi ki taiyaari aur zaroori shopping may din sirf ho rahay thay.
Fakhirah ab har lamhah Captain Rehman k sath involve rahti thi.... aur apni fitrati sarshat say yih sabait kar chuki thi kih Captain Rehman is k wujud ka ek naguzir hissa hai. Aur wo zindagi keesi bhi morr par is ko khud say juda nahi kar sakti aur juda kar k zinda rahna bhi is k liye namumkin hai.
Wo phalay ki taraah ab bhi usay tut kar chahiti thi aur is k ang ang may Captain Rehman k liye muhabat rachibasi thi. Ruz’afzoon is iltifat aur milaan may izafa ho jata tha aur ab wo jonoon ki sarhad k bahut had tak qarib dekhai deyti thi.
Uthtai baithtai aur laytai jagtai Captain Rehman ka tasawwur is k dil-o-damagh say mahv nahi hota tha. Aur jazbat ka yih karb usay ek aur jawadani lazzat aur ravish say bahrwar karta tha. Captain Rehman bahut had tak is ki ruh ki gahraion may naqsh ho chuka tha aur usay is bat par bhi yaqeen ho chuka tha kih wo Captain Rehman ki dilchaspsion k markaz ban chuki hai.
Ab is tasawwur k bad usay apni zindagi ka khwab pura hota hua mahsoos karti thi aur itminan ki daulat azeem say sarfaraz thi.
Captain Rehman ki wapasi ki taiyaarion may taham wo bhi shareek thi lakin rah rah kar is k dil may yih umeed paida hoti thi kih wo rukay aur hamesha is ki aankhon k samnay rahay... phir usay iztirab ka yih karb bhi bahut satata tha kih ab kab azdwaji zindagi k pairahan may dhalay.
**********************
Captain Rehman ki shopping k tamam ikhrajat wo khud bardasht kar chuki thi aur usay yeh ahsas delanay ki koshish karti thi kih wo is k liye sirf paisa hi nahi apna tan man dhan sab kuchh nishawar karnay k liye taiyaar hai. Jabkih Captain Rehman bhi apni jagah par is k jazboon ki hiddat aur shiddat ko baja taur par mahsoos kar raha tha aur Fakhirah k jazboon ka yihi karb usay azdwaji jazbay k imkaan par gaur karnay k liye aamada kar raha tha. Jabkih is ne faisala kya tha kih Pakistan Pahunch k hi Fakhirah k dili jazboon ki tarjumani karay ga.
Is ruz Captain Rehman ghar waloon k liye aakhiri shopping kar raha tha.
Cornbee Street say farigh ho kar thakay mandah ek five star hotel may aay.
“ Excuse me kya may yehan baith sakti hoon.”
Captain Rehman aur Fakhirah kafi peetai huay batoon may masruf thay kih koi niswani awaz may in say mukhatib hua. Captain Rehman ne daaen taraf nigha uth kar dekha to is k samnay Marvi Dikshat ki Actress Bahan Reya barq zarq libaas may aarasta mutabassum kharri thi.
“ Oh.... aap ... baithiay please.”
Captain Rehman fori taur par usay pahshan giay tha is liye baithnay ki ijazat de.
“ Thank you very much .”
Actress Reya ek kursi pechay kar k in k darmiyan baith gai..... Fakhirah ne hairat say phalay Reya ki taraf dekha phir istifhamiyyah nazroon say Captain Rehman ki janib dekhnay lagi..... Captain Rehman is ki pareshani mahsoos kar k bola.
“ Fakhirah yih Marvi Dikshat ki bari bahan Reya hain..... aur Reya yih meri mangetar hain Fakhirah.”
Is taaruf k bad Fakhirah aur Reya ek dusaray say tapaq say milian.
“ Meri ek bat samaj nahi aai Rehman , chand ruz phalay tumharay sath dinner par maujud larki kaun thi? May to usay tumhari mangetar samaj rahi thi.”
Reya ne Tajassus k sath puchha.
“ Wo Fakhirah ki first kazan hain... any how aap kia layna pasan karain gi?”
Captain Rehman ne khalos ka muzahira kya
“ Wasay may cold drink lay chuki hoon , kafi deir say is table par baithi hui thi tumhain dekh kar socha company join kar loon.... agar tum log private guftugu kar rahay ho to may bagair mahsoos kiay chali jati hoon”
Reya ne yunhi to kah diya lakin haqiqat may wo nahi jana chahiti thi.
“ Aap yahan baith sakti hain ham bus general guftugu lay kar baithay thay”
Goya Captain Rehman k kahnay par Reya ki umeed bar aai thi. Phir is ne in k sath coffee shair karnay k liay bahray ko order diya aur Captain Rehman say goya hui.
“ Wasay Rehman is ruz dinner par mujhay tum say zada talk karnay ka mauqa nahi mila warna mujhay bolnay aur suunnay ka bahut arman tha... umeed hai tum ne mahsoos nahi kya ho ga.”
“ Ji haan bilkul”
Captain Rehman ne aysi hi kah diya.
“ Tum ne andaza lagiya ho ga Marvi Dikshat dharmuk budhi rakhti hai is wajah say may aur is k darmiyan khasa ikhtilaf rahta hai... wo meray field ko pasand nahi karti hai aur may is forward daur may is ki samran aur mahdood zahiniat say mutmain nahi ho pati... yih yud sirf is ruz ka waqiah nahi hai balkah hamray darmiyan yih ikhtilaf bachpan say paida ho giya hai..... aur ham ab tak usay bughat rahay hain... any how yih to kuchh gahraloo bat hai.... meri khoish thi kih Marvi say kah kar tum say ek aur mulakat karoon so aaj itifaq say mulaqat ho gai.... tumharay liye maray dil may ek khoish hai Rehman.”
Is ki bat suun kar Fakhirah chonk gai thi... jab is ne Reya k chahray ki taraf dekha to khasa pursakoon tha aur is may koi pur’israriat nahi chahi hui thi.... lakin is k bawujud wo mutmain nahi thi aur aglay jumloon ki adehgi ki muntazir thi jab Captain Rehman ne istifhamiyyah nazroon say Reya ki taraf dekha to wo muskura kar boli.
“ Wasay asal mauzu par bat karnay say phalay ek bat batao Rehman , kya tum meri life style say mutmain ho.... tum apni company ka ek member samaj kar free talk kar saktai ho....”
“ Yih to khair theak hai lakin tumhari life style par bat karna maray liye khasa mushkil hai...”
“ Keyun?”
“ Keyunkih na to may is ki haq may bat kar sakta hoon aur na hi ikhtilaf may..”
“ Tum koi bhi ra’ay qaim kar saktai ho. may tumhain bound nahi kar rahi, lakin meray sawal ka jawab har surat may chahiay”
Is k bawujud Captain Rehman ko is k sawal ka jawab denay may kafi dushwari ka samna tha.. lakin socha denay hi parray ga to phir bola.
“ May Marvi Dikshat ko samnay rakh kar tumhari life style par itiraaz zaroor kar sakta hoon keyunkih qudrat ne insaan ko bay maqsad thakliq nahi kya hai.... usay kuchh zimadaria de hain aur kuchh fariaz ki adaigi k liye baija hai....dunya wo stage hai jahan insaan apna apna role ada kar k fana ho jata hai.. is say chand ghaltian bhi sarzad ho jati hain to in ki talafi karwanay aur role play karwanay k liye ek achchha hidayat kar darkar hota hai tu hamaray din k mutabiq ek lakh chaubees hazar ambia hidayatkari ka role play kar chuk hain.... ab ham may say khud ek hidayat kar banna ki zaroorat hai aur apnay mazhab k asuloon aur zabtoon k mutabiq wo role play karta hai..... may apnay mazhab k zabtai hiyat say sochoon aur tumhari life style par khula itiraaz kar sakta hoon warna tumharay parm dhram may is ki ijazat hai to may mautariz nahi ho sakta lakin Marvi Dikshat ko dekh kar phir yaqeen ho jata hai kih tum ne parm dhram ko kabhi tarjih nahi de hai.aur tumhara profession hi tumhara maqsad-e-hiyat hai.”
Captain Rehman ne apni bat katam ki to Reya hontoon par muskurahat saja kar boli.
“ May tumharay aur Marvi k tasawwur hiyat say bahut had tak ikhtilaf karti hoon ... tum logoon ki soch bahut had tak mahdud hai. Aur zindagi ki philosophy ko sir ek miyar say parakhtai ho.... may communist nahi hoon. Is bat par yaqeen hai kih sansar may jo kuchh hai yih bhagwan ki kirpa hai. Yun to maray tasawwur hiyat say tumhain ikhtilaf ho ga lakin may samajti hoon kih meri mama ne mujhay azad jina hai aur aaj tak mujhay azad chorra hai.. parmeshoon ne is sansar may jo kuchh paida kya yih sab kuchh parsh k liye hai.... to phir parsh ko haq pahunchta hai kih wo jis taraah zindagi guzaray aur jasay chahay khatay peatay rahay... is say koi puchh gachh nahi ho gi.... aur may bhagwan say har aawa’gon may bariyyat ki badosh hoon.... yih sirf janam maran ka khail hai Rehman.....jis taraah ghar say gahraanay banay fard say afraad banay group say garooh banay qabilah say qabilay wujud may aay phir insaani wujud sansar k liye naguzeer ho giya to daish banay phir riyasatain, riyasatoon k bad mulk banay aur yih mulk bala aakhir mumalik may badal gaay.... is sab k bad tum ne dekha insaan , insaan hi raha..... is ki sarshat may tabdili aai ho gi lakin is ki fitrat wohi rahi jis k sath usay takliq kya giya tha... aur agar tum pan’thi nuktah nazar say wazahat chahitai ho to suuno sansar k paida karnay walay ne ek deen banaya... aur bata diya kih sansar may jo kuchh paida kya hai yih sab tumharah hai aur tum khao peeyo mazay karo.... is parsh ko phir na janay kya kasht hui kih deen say panth banay.... phir is may bhi sakoon na mila to panth k andar say firqay banay firqaon may bhi ikhtilaf paida hua to maslak ki bunyad par ek dusaray say juda ho gaay.. phir maslak aur mulk may kis zabtai ko apnaya jaay aur kis zabtai say ikhtilaf kya jaay.... is tasawwur ki waja say may keesi panth par yaqeen karnay say rah jati hoon.... aur keesi ki taqleed mera kartuwi nahi hai.”
Captain Rehman ne sanjidgi say kaha “Jis taraah badan k liye libaas, mard k liye aurat, aur zinda rahnay k liye khana peana ki zaroorat hai. Issi taraah insaan ko tasawwur hiyat samajnay k liye keesi mazhab ko aktiyaar karna naguzer hota hai...... Azadi ka tasawwur insaan ko is ki rawish say hata deta hai. Aur mazhab insaan ko is rastai par dal kar dicipline sikha deta hai.... mazhab dil may muhabat hamdardi aur masawat ka jazba paida kar deta hai..... Jabkih maray khayal may aap may yih chizain abhi tak nahi pai jatian ... keyunkih aap khud khahti hain kih insaan khud hi dunya ki khushioon ko samaitai aur baqi khali daman rah jaay. Is say andazah hua tum may hamdardi aur qurbani ka jazba nahi, agar tum keesi mazhab say bandhi hotian to is tasawwur hiyat say qatai ikhtilaf kartain ... aap jis profession ki pairokar hain wahan masawat ka sabq nahi diya jata .... balkah ek mazhab hi yih soch atta karta hai.... tum keesi bhi mazhab ko ikhtiyar karo Reya tab tum apni phali aur aaynda guzarne wali zindagi may ek gahra farq mahsoos karo gi.... mazhab tumhari , meri aur kianaat tamam insaanoon ki zaroorat hai. keyunkih issi k zariay ham ek salika mand zindagi guzarain gaay aur bahtar andaz may apnay khuda ko pahchan kar is bat ka iaadah karain gaay kih is ne dunya may har chiz hamray liye musakhkhar ki hai to ab is ki shukria ada karnay ka haq bhi pahunchata hai.... tum mazhab ikhtiyar karo Reya..... yih meri guzarish hai aur mashwara bhi..’
Hasb-e-mamul Reya muskurai aur boli.
“ Mujhay tumhari sanjidagi pasand hai Rehman. Yih mahsoos nah karna is say meri dil azari ho gi balkah may tumhari sanjidagi say bahut kuchh hasil kar loon gi... wasay Rehman ek bat batao .. yih sach hai mujhay kabhi prem aur premi hasil nahi hua.. kyia dharam k sadhu ban’nay say yih sab kuchh dharan hota hai.?”
“ Sirf maray kahnay say kya ho ga.... tum ikhtiyar kar k to dekho.”
“ Achchha ab may tum say kuchh private talk kar chahiti hoon..... yih batao kya tumhain apnay profession say prem hai, mera earth hai lagao ya jhokao?”
“ Ji haan bahut.”
“ Kya tumhain is bat par itiraaz ho sakta hai kih mujhay bhi apnay profession say bahut prem hai, bahut lagao hai aur is k bagair may apni zindagi say mutmain nahi hoti.”
“ Ji haan mujhay aap k profession say zati taur par koi akhtilaf nahi hai.”
“ Tum jantai ho Rehman may Pakistan ki askariyat par mabni wali du tin filmoon may kam kar chuki hoon ab tum maray samnay kharray ho tu may dukh aur sharmindagi k natak nahi kar sakti is liye kih mera profession hi keesi taraah apnay aap ko zinda rakhna hai.... aur is k liye hamay har taraah k role play karna parrtai hain.... meray man may tumharay liye ek asha hai Rehman.... ab may dubarah ibtadai talks par aana chahiti hoon....” Is ne apnay man may tharao paida kia phir barray taiaqqun say kaha “ Tum film industry keyun nahi join kartai Rehman, may tumharay sath kai filmay produce karna chahiti hoon.... tum Shahruk Khan say kahain zada khubsurat aur Salman Khan say kahain zada smart ho , tum may Amir Khan say barrh kar takalum may dastaras hassil hai aur Nana Patikar say barrh kar apnay kirdar may doob saktai ho, tum may Rathak Roshan say barrh kar dance ki lachak hai aur Akshay , Suunil aur Ajay say barrh kar fight ki maharat hai... tum meray sath kam karo Rehman, dekhna tum is profession say bhi bahut hassil karo gay.”
Jab Reya kamosh ho gai to Captain Rehman bola.
“ May apnay profession ko khud k liye ibadat samajta hoon.... maray samnay zindagi k aur phalu bhi thay lakin Army ko join karna may ne apna bunyadi farz khayal kya hai.... may is profession par keesi aur ko tarjih nahi diy sakta... aur wasay bhi mujhay film say itna lagoa bhi nahi hai aur nah apni dischaspi say dekhta hoon.”
“ Tum meri offer par gaur kar saktai ho Rehman, may zada to nahi albatah tum say sirf ek film sign karnay ki guzarish zaroor karti hoon...... may tumharay sath ek naya change lay kar tumhain film industry may mutarif karwana chahiti hoon.... aur mujhay is bat par kamil yaqeen bhi hai kih tumharay sath meri film super hit jaay gi.... sirf ek sign kar lo Rehman..... sirf ek...”
Goya Captain Rehman ko apni film may sign karna Reya ki sab say barri zaroorat ban gai thi. Jabkih Reya ki is barri offer ka mustahiq barri mushkil say hi koi ho sakta tha.
“ Kal parsoon may wapas ja raha hoon.. anqarib meri chuhtian bhi katam ho rahi hain aur profession k andar say mujhay time nikalna joay shair lanay k mutradif ho ga.”
Captain Rehman ab bhi film sign karnay k haq may na tha.
“ Tum sirf film sign karo baqi time aur samay may khud manage kar loon gi. keyunkih yih koi maslah nahi hai... ab bolo tum agree kartai ho?”
Reya ne kah kar Captain Rehman ko mushkil may dal diya tha ..... is mushkil kaifiyyat may jab is ne Fakhirah ki taraaf dekha to wo is ki kaifiyyat ko samaj chuki thi.
“ Agree kar lo Rehman koi harj nahi hai.”
Jab Captain Rehman ne tajassus k sath is ki aankhon may dekha to usay asal dramay ka climax wazay nazar aa raha tha. is hoslay ki bina par is ne Reya say kaha.
“ Theak may Pakistan ja kar aap ko apnay time table say aaga karoon ga.”
“ Thank you very much”
Reya ne musarrat-o-kamiyabi say labraiz ho kar is k sath hath milaya aur jab yih log car parking may aa kar ek dusaray say rukhsat huay to Reya ko shiddat say yih ahsas ho raha tha kih Captain Rehman ko wo apna dost bana chuki hai aur is dosti say wo khatir khoah faidah uthai gi.
Jab Captain Rehman aur Fakhirah wapas ja rahay thay to Fakhirah is say kah rahi thi
“ Reya k sath agree karnay may koi harj nahi tha.... may ne yih drama is liye kya kih is ki dil azari nah ho..... khair say Allah tala ne hamay sab kuchh dey rakha hai to hamay dunyavi aiyyashioon k liye wo field akhtiyar karnay ki zaroorat kya hai.?”
Goya yih kah kar Fakhirah ne ek dafa phir Captain Rehman ka dil jeet liya tha.

********************************

Marvi Dikshat jab Paris say wapas aa kar sonay k liye apnay bedroom may chali gai thi kih keesi nay achank bata diya kih Captain Rehman aaj Pakistan ja raha hai. Is ne sonay ka iradah tark kar diya aur phone par Fakhirah k ghar bat ki to pata chala kih Captain Rehman , Fakhira aur Shaila k hamrah Hatharo Airport rawana ho chuka hai.
Marvi Dikshat ne receiver rakh kar koi lamhah zaia nah kya aur fauran garri nikaal kar Hatharo airport rawana hui...
Is waqt Captain Rehman airport k wasi lounge may keesi janib kharra Fakhirah aur Shaila say batain kar raha tha yun to rawangi ka waqt ho chuka tha lakin ilaan hua tha kih flight sirf adh ghanta k liye late ho gai hai aur musafir hazraat airport ki hudud k andar hi maujud rahain.
Is muqam par yun hi kharray rahnay ki bajay tinoon ek chhotai say cafeteria may aa kar baith gaay..ain in lumhahaat may Marvi Dikshat airport ki parking may dakhil ho chuki thi wo Pakistan janay wali flight PK808 k musafiroon k pass aai to wahan nah to Captain Rehman maujud tha aur nah hi Fakhirah aur Shaila...... Tab wo bay’chayni k alam may unhain idar udar talash karne lagi . wo idar udar tahal rahi thi kih kuchh deir bad Captain Rehman , Fakhirah aur Shaila cafeteria say nikaltai huay dekhai diay. is k dil may ek musarrat jaag gai aur wo in k wahan aanay ka intizar kiay bagair khud hi in ki taraf chali gai.
Alaik salaik k bad Marvi Dikshat ne apni katha suunai aur phir boli.
“ Yaqeen kar lo Rehman, may tum say nah milti to yqinaan mujhay har waqt kasht rahta. maray bhag achchhaay thay kih flight bhi late ho gai”
“ Mujh say milna itna zaroori bhi kya tha? tum thaki hui thian is liye aaram karna chahiay tha.”
Captain Rehman ne is ki khurmar aalud aankhon may jhank kar kaha.
“ maray man ko kasht mila hai Rehman, kal Ajay ne Paris phone kia tha, tumhain parnam kia hai, kah raha tha dubarah duty join kar chuka hai aur usay shumali ilaqahjat k border ki taraf bhaija ja raha hai.....”
Marvi Dikshat ne kaha.
“ Anqarib meri chhuttiaan bhi khtam honay wali hain. Shumali borderoon may rahnay ka khwab may bhi dekh raha hoon.”
Captain Rehman ne keesi azam k sath kaha.
“ Mujhay aur yud ki chinta hai Rehman ..... Ajay ki batoon say mujhay yahi mahsoos ho raha tha.”
Marvi Dikshat ab khasi malul dekhai dehti thi.
“ Jang ka waqt mutaaiyyan nahi hota.... issi taraah ham order miltai hi maidan may uttartai hain....mara khayal hai Ajay ne sarhaddi takrao ka zikar kia ho ga.”
Capatin Rehman keesi bhi khadshay aur imkaan ko nazar andaz nahi kar sakta tah.
“Baharhal Rehman may tum say kuchh zaroori talk karna chahiti hoon..... darasal tumharay zariay may Pakistan community ko yih bawar karana chahiti hoon ham har hasiat say Pakistan k muklis hain... may infraadi taur par yih kahnay ki jurrat karat hoon kih Pakistan aur is ki zameen say muhabat hai aur Pakistani logoon ki dil-o-jan say qadar karti hoon. Aapas may nafratain bantne say hamain kuchh nahi milay ga ham ek dusaray say duar bhagain gay lakin kabhi ek dusaray ka prem aur itimad hassil nahi kar sakain gay... Pakistan aur India ko itimad ki shairah par sath sath chalna hai. aur hamarah itihad tamam europi taqatoon k samnay ek aahani dewaar say kam nahi ho ga.... tum apni quam ko yih bawar karao Rehman, mujhay Pakistan say piyar hai aur wo bhi tamam siyasi maslahtoon ko balaytaaq rakh kar ham say prem karain.... prem may itihad hai aur prem may jeet hai.”
Jis waqt Marvi Dikshat ne apni guftugu katam ki. Ain issi waqt ilaan hua kih PK808 airport par aa chuki hai. tamam musafiroon ko departure lounge may janay k liye takeed ki ja rahi thi.
Jab Captain Rehman ne dharaktai dil k sath Fakhirah aur Shaila say rukhsati lay kar Marvi Dikshat ki janib dekha to is ne phir Captain Rehman ko yaqin delanay k liye kaha.
“ I love Pakistan Rehman mujhay Pakistan say nafrat kar k kuchh nahi milay ga aur Pakistan ko hamari siyasi chapqalish ko itna mahsoos kar k ham say nafrat nahi karna chahiay. yud k zariay ham apni naai nasal ko kuchh nahi dey saktai.... ham aaj shanti k liye apa’ay karain gay to naai nasal khud is rawish par aay gi... apni community ko samjhao , hamay Pakistan say prem hai aur usay bhi hona chahiay.”
“ Jang may kabhi bhi Pakistan ne phal nahi ki hai..... tum apni quam ko samjhao wo amn say rahay to ham bhi amn say rahain gay wo jang karain gay to ham bhi jang karain gay.... wo pthar say maray gay to ham int say jawab dein gay... amn k liye amn darkar hota hai aur piyar k liye piyar ... yun samjho tum amn par ek dafa phir gaur karo Marvi..... amn k liye amn aur piyar k liye piyar darkar hai..”
Is k bad wo tinoon say dubarah rukhsat ho kar hath lahratai huay departure lounge ki taraf chala giya.
Shaila ne dubtai dil say Fakhirah ki taraf jhanka to is ki aankhon say aansoon k du baray qatray tapak parray ... tab is ne apnay dil may lamhahoon k bandhan k taltum may ek qiyamat barpa hotai huay mahsoos kya.
Jab yih log airport say wapas ja rahay thay to Marvi Dikshat apnay dil may bar bar Captain Rehman ka sabq dhura rahi thi aur is k dil-o-damgh par sirf char raqiq jumlay gunj rahay thay.
Amn k liye amn
Aur prem k liye prem darkar hota hai.
Amn + Amn
Prem + Prem
*************************

Yun to Captain Rehman ki chhuttian khatam nahi ho chuki thian.
Lakin......
Pakistan pahunchaynay k chand dino bad hi usay head quater join karnay ka hukum mila tha.... jis ruz usay khaki rang ka lifafa thama diya tha ussi say wo samaj chuka tha kih “ khairriat” nahi hai.... ghar may koi bhi usay is taraah janay deynay k liye taiyaar nah tha.
Lakin......
Captain Rehman ne hukum k ittalaq may deir karna sekha hi nahi tha.....Sab ko zimadarion say roshanas kya aur phir naay azam-o-irdeh k sath company head quater join kya.
Company head quater join kiay kuchh hi ruz huay thay kih Core Commanderoon ka ijlaas shuru hua.
Chief Of Army Staff ki darina khoish thi kih sarhaddi chherr chharr ka jawab diya jaay.
Ponjh k border may aay ruz Indian Army ki taraf say gola bari ho rahi thi.
Khaim Kharan aur Rankach k borderoon may Indian fazaia k Mig taiyyaray jasusi parwaz kartai thay.
Ek naay azam-o-iradeh k sath Siachan k barf posh chatanoon aur pharroon par halicopter k zariay commondos ko utara ja raha tha..
In halaat may Pakistani staff ne is khadshay ko malhuz-e-khatir rakha tha Indian Army k iradeh naik nahi lagtai.... Tab unhoon ne socha kih ek “jhatka” lagana naguzeer hai.
Sindh Regiment
Balouch Regiment
Aur Punjab Regiment k jarri officers ko NLI scouts k Sipahioon ki rahbari k liye Shumali borderoon ki taraf pesh qadmi k order mila tha... aur ek naay jang k imkaan ko pesh-e-nazar rakh kar watan k saput maidaan karzar ki janib barrhtai chalay ja rahay thay.
April ka aagaz ho chuka tha is k bawujud kargill k pharr barf may dhakay huay thay. Jabkih maidaani ilaqoon may kainati husn k narangiyon ka aagaz ho chuka tha...... darakht khulnay lagay thay aur faza parindo ki lahan say labraiz rahti thi.
In k jazboon may itni hiddat thi is liiye barf may dhakay huay pharroon par bhi apni pesh qadmi jari rakhi.
Batalak, shiok, raakh, daras, liyah aur kargill k sector ab jarri jawanoon ki aamaj’ghah ban chuk thay aur wahan Post qaim kar k ab wo aglay order ka intizaar kar rahay thay.
Kargill ki paharion may ab bhi sardi ka raaj tha.
Kamar turr dinay wali sardi thi... barf may rastai talash karna aur phir pesh qadmi jari rakhna rukawat tha.
Lakin........
Is k bawujud dushman ki Postoon par qabzah ka order mila..... aur is ki agli hi fursat may officeroon ne apnay jawanoon k zariay dushman ki Postoon ki taraf pesh qadmi jari rakhi.
Safer may kai nashaib-o-faraz aay.
Khabi charrhai kabhi utrai. kabhi mosam mamuli saf hota aur kabhi musalsal barish hoti rahti thi.... kabhi mahman siaa badaloon ki lapait may rahtai thay aur kabhi puri faza dhund say labraiz rahti thi.
Is sab k bawujud pak dharti k saput pur’azam aur pur’himmat thay.
Kargill k barf posh chotioon may darjah hararat baz auqat manfi 60 digree tak gir jata tha aur jab NLI scouts ka aakhiri Sipahi bhi apnay aakhiri target tak pahunch giya to head quater say “ abhi intizaar karo” ka hukum mosul hua.....
Jawanoon ne phalay say dushman ki qaim Postoon par dera jama liye aur apni duty par mustaid kharray rahay.
Theak ek mahinay bad mosam may tagaiyur aaya tha.
April ka aakhira hafta tha.
Na janay kab say sooraj dekhai nah diya tha ab aasmaam par aab-o-taab say chamak raha tha.... aasmaan k kuchh hissoon par safaid badaloon k tukrray sajay thay aur dhund bhi kabhi kabhar hi chha jati thi.
Rafta rafta mosam itadaal pazeer ho raha tha.
Phalay phal NLI k jawan Post k andar tak mahdud ho kar rah jatai thay... ab unhoon ne Post k bahir na sirf aamad-o-raft shuru ki thi balkah phahra ka intizaam bhi shuru ho chuka tha...... “ Signal’ ka ajra bhi ho chuka tha aur shban peaith par tasalsul k sath rashan chorr kar chalay jatai thay.
Yun din kattai aur raatain guzarti rahain ab yakum May ka aagaz ho chuka tha.
Kafir pahari say mustasal Haider pahari par maujud “Qarar Post” say NLI k ek nojawan ne night vision k zariay dekha kih bees pachees jawanoon par mushtamil bharati faujion ka ek group ammunition say lais Qarar Post ki janib pesh qadmi kar raha tha.. unhoon ne fauran tamam sathion ko khatray say aagah kya. Dusaray hi lamhay Post par maujud sabhi jawan ek naay khatray k imkaan ko pesh-e-nazar rakh kar jaag chuk thay. Aur ab wo Post k andar say mumkinah rastoon ki taraf target hit karnay k liye mustaid kharray thay.
“ Indian Army k group mustaidi aur tafakhar k sath “Gandhi Post” ki janib barrh raha tha aur jo ab “ Qarar Post” may tabdeel ho chuka tha. Jis waqt indian army ka ek Captain Anand kumar keesi arr say nikal kar bilkul samnay aaya to raat ki tariki aur khamoshi may achnak ek dhashat naak dhamakh hua.... puray burst may say sirf du goliyoon ne sansanatai huay Captain Anand Kumar ko chat liya... is k sath hi is ka ma’tahat group keesi andashay k taht fauran idar udar phail gaay aur bagair target k andha dhund firiing shuru kar de.... jis say Qarar Post par maujud NLI scouts ko in ki position ka i’lam ho giya. Aur unhoon ne barud daagna shuru kya.
Faza ka sukutt ab dhamakoon ki dhashat naak awazoon say gunj raha tha.
Raat ki thandi hawa ab barud ki baas say rachi baasi thi.
Subh ki phali kiran k sath hi group k sirf panch Sipahi girtai partai nichlay camp pahunchay thay.... aur agli hi fursat may head quater paigam baija ja chuka tha kih Pakistani army ni kargill ki paharion par qabzah jama liye hai aur ek nai jang ka imkaan hai.
Is achnak khaber ne siyasi awanoon may ek halchal macha de thi aur yih bawar karaaya tha kih yih pathar ka jawab hai !!
Hind sarkar ko jang may shareek rahnay k illawah koi charah nah tha. Sirhadi chherr chharr ka khamyaza unhain bhoghatna hi tha.... yun defa ki hikmat amli waza hui aur convoy kargill ki janib zor-o-shor say jana shuru huay.....
Idhar pak dharti k saput bhi ab nai khep k muntazir thay. unhoon ne nechay signal baija kih phali mud bher ho chuki hai.... aur jang mahl-a-nazar hai... unhoon ne yaksar Postoon ko munazam karna shuru kia, rashan aur ammunition ki supply ko mumkin banne k liye rastai mutaiyan kiay yun ab wo har taraah say ek barrhi jang larne k liye khud ko taiyaar kar chuk thay.
Indian army k jangjuoon ne bhi Post dar Post aagay barrhna shuru kia tha. Gandhi Post par dubarah qabzah karna in ka darina khwab tha.
Yun kuchh dino bad hi Kargill war ka baqaida aagaz ho chuka tha
Lasho k anbbar lagay huay thay.
Kargill ki safaid barf posh paharion surk khoon say tar ho chuki thian.
Faza may taiyyaray bomb bari kartai huay ur rahay thay aur har taraf dhamakoon ka raaj tha.
Alami media ko khabaroon ki tarseel k liye ek aham issue hath laga tha aur Kargill ne har taraf ek kauf o hiras phala diya tha.
**********************
Marvi Distshat yih khabar suun kar suun ho kar rah gai thi kih tawaqqo k kilaf Pakistan aur Hindustan ek aur naghahni war may buri taraah uljhay huay hain.
Raat jab is ne yih khabar suuni to gam say nadhal ho chuki thi kih Ajay Vardha Kargill war may apni duty saranjam diy raha tha. Is ne sankaroon bar London say is say rabita karnay ki koshish ki lakin nakam ho gai.... Indian army k head quater say usay bataia kih sarhadon may abhi tak impart transmit system ka aagaz nahi kya giya hai aur Ajay Vardha abhi jis Post par hai is say to aam rabita bhi mumkin nahi hai......
Marvi Dikshat ne raat bhar karwatoon may basar ki.
Wo nahi jaanti is afriat ka aagaz kis mulk ne kya hai. lakin is k bawujud Captain Rehman k alfaaz is k dil o damag may shiddat k sath gunj rahay thay.....
Amn, amn
Prem, prem
Subh is ne phali fursat may Fakhirah say phone par rabita kya to malum hua Captain Rehman bhi head quater ki duty chorr kar baqaida jang join karnay k liye ja raha tha.
Tab Marvi Dikshat ko ahsas ho giya tha kih amn ka khwab wo kabhi nahi dekh sakti.
Wo fakat hath binch kar rah gai.
Kargill ki jang joban par thi.
Pak dharti k saput aay ruz watan ki hurmat , azmat, salmiat aur daimi baqa k liye kat mar rahay thay.... Captain Rehman in halaat k pesh-e-nazar company head quater ki duty sar’anjam detai detai kafi ukta chuka tha. Aur yih samajta tha kih Kargill ki pahariyaan is ki dad shujahat ki muntazir hain aur koi lamhah zaia kiay bagair usay jang may apna kirdar ada karna chahiye.
Is ne ghar waloon ko apnay azam o iradeh say aagah kia.
Ammi jan aur is ki bhabi bhi Fakhirah k sath is ki nibhah ka khwab dekh rahi thian. Lakin Captain Rehman k azam o iradeh ne in k diloon may ek naya daimi ahsas jaga diya. Aur unhoon ne Captain Rehman ko jang may hissa layne ki ijazat de.
Ala staff ne bhi is k azam ka khair maqdam kia aur usay aglay tin ruz bad hi Gilgat rawana kya...... wo keesi bhi mukam par zada deir ruknay k muthamil nahi tha is liye Gilgat say fori taur par Astuwar chala aaya.Gilgat head quater say is k hamrah ek chhota sa group bhi tha. Apni rahnumai may usay Chalm Galtari laya. Yahan NLI Scouts k naujawan barray mustaid nazar aa rahay thay. Captain Rehman ek naay azam, naay jazbay, naay ahsas aur ek nai thareek k sath yahan aaya tha is liye Galtari ko apni aamajgah banana is ne gawara nah kia aur chand ghantoon k musalsal safer k bad wo apnay hamrah chand jawanoon ko lay kar Gomah lomah sector pahunch chuk tah . Jahan Captain Colonel Shair Khan,Major Irshad, Captain Ejaz aur company hawaldar Major Lalak Jan is k liye chsham barah thay.
Gomah lomah may bhi Captain Rehman khud ko mutmain nahi kar saka.
Aksar tanhai k keesi lamhay wo Captain Colonel Shair khan say mukhatib ho kar kahta tha.
“ Sir sachi bat hai, mujhay yahan maza nahi aa raha.... may mazeed aagay barrhna chahita hoon sir! dushman k sar par pahunch kar war karna achchha lagta hai aur abhi ham dushman k muqabalay may bahut pechahay hain.”
Captain Colonel Shair Khan is k jazbay ki hiddat ko mahsoos kar k kahta tha.
“ Mara khud yahan rahnay ko ji nahi chahita .... bus mazeed kuchh dino ka intizaar darkar hai...”
Is k bad wo ma’mul ki karawaion may mashghul ho jatai thay.
Ek ruz Captain Rehman ka intizar rang laya . 10 NLI ki tazah dam unit Galtari say Gomah Lomah sector pahunchi thi..... unhain kaman diy kar Captain Colonel Shair Khan apni unit ko tin groupoon ki shakal may Tiger Hill rawana ho chuka tha.